Bandièra01 1180x150: País Invisible

Actualitats

De tèrratrems als Païses Catalans restacats a las injeccions sosmarinas de gas

Diluns, dimars e dijòus passats, se debanèron de tèrratrems al sud de Catalonha e al nòrd del País Valencian. Los tèrratrems, de 3.4, 3.6, 3.9, 4.1 e 4.2 gras de l’escala de Richter, arribèron en seguida de las injeccions de gas del projècte Castor, qu’ensaja d’aprofechar lo gas d’un ancian potz de petròli a 1750 mètres jos la Mar Mediterranèa, davant la còsta de Vinaròs.
 
Lo projècte es gerit per l’entrepresa UGS, qu’a investit 1,2 miliards d’èuros. Injèctan de gas dins lo jaç per ne forçar l’extraccion, çò qu’a provocat, dempuèi lo 13 de setembre passat, aperaquí 300 sismes d’intensitat bassa, fins a aquesta setmana.
 
“Los sismes produsits per l’activitat del sit son a aumentar en frequéncia e intensitat”, segon Jonathan Gómez, del Collègi dels Geografes d’Espanha, qu’apond que lo risc de sismes i es encara, e mai se las activitats s’arrestèron temporàriament lo 26 de setembre. “Sèm davant una situacion non contrarotlada”, çò diguèt, “cal téner l’alèrta”.
 
 
Cal dire que dempuèi l’an 2007 i a de protèstas contra lo projècte Castor, mas alavetz los manifestants èran considerats alarmistas. Aquesta setmana las manifestacions e las protèstas contunhavan en essent mai nombrosas.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
1.

Una autra tèrratrem secodarà plan lèu Espanha, previst per 2014. I perdràn la part mai septentrionala de la "California catalana", en seguida de l'obertura largassa de la "Falha de Sant Jòrdi". E los sismològues obsèrvan de plan prèp una autra falha sismica iberica, que se ditz la "Falha de Donibané" que risca que veire tot lo soscontinent euskal se desseparar tanben del demai d'Espanha, e d'un biais benlèu plan mai eruptiu encara.

Digatz-me Dr. Guevrara, especialista de la tectonica dels pòbles liures e egals en dreit a dispausar d'eles-meteisses… ;-)

  • 0
  • 0

Escriu un comentari sus aqueste article