Lo festenal comença a 18h amb una corsa de carretons, en tot davalar per las carrièras de Puègserguièr. 

 

Los concerts de uèi divendres son de Lou Mourtairet (trad niçard),  Les Sulfateurs Occitans (balèti), los 100 grs de Têtes (ska-reggae). GOG, la Granda Orquestra dels Goulamàs (fanfarra) faràn un final ultra-festiu e mai s'i age encara lo temps per Moska & Pablo Quedad (metal).

 

Dissabte la fèsta començarà a 18h amb la batejada del Pelican, en seguissent la tradicion lengadociana dels "animals totemics". La legenda conta qu'un pelican, en cercar los sieus, salvèt lo mond de Puègserguièr de la famina pendent la crosada contra los occitans. Lo pelican es estat bastit per las associacions Patatr’Oc e Goulamas’K.

De bèstias del país pariciparàn d'aquela batejada: lo Polin de Pesenàs, lo polin de Viàs, lo cavalet de Cornonterral e lo cèrvi de Cervian. Après los potons, un gran passa-carrièra traversarà lo vilatge.

 

A 21h serà lo moment pel teatre amb Los papagalhs, la tropa de Montpelhièr que fan un espectacle de carrièra, amb de musica de balèti, de cants e de peçetas comicas.

 

E las animacions musicalas vendrà amb Lu Rauba Capeu (balèti), Brick A Drac (Fòlk-ròck celtic). Los Diables de la Garriga (electro-metal-trad) e Moska & Pablo Quedad (metal) clavaràn lo festenal.