Bandièra01 1180x150: Comuna de Tolosa

Actualitats

Las lengas en perilh de desaparicion sus Arte

Dimenge que ven serà redifusat lo documentari Donar la paraula que presenta nòu lengas del Mond en dangièr, dont tanben l’occitan

Dissabte 28 de setembre, Arte prepausèt una serada especiala consagrada als pòbles e a las lengas en perilh, amb una seguida de documentaris a l’entorn dels pòbles que luchan per preservar lor lenga, lor cultura e lors costumas davant los imperialismes e la mondializacion.
 
Demest los documentaris prepausats podèm soslinhar Papós entre dos monds, sus aquel pòble en perilh a causa de la desforestacion e la fèbre de l’aur; o Quand las lengas desapareisson 1 e Quand las lengas desapareisson 2, qu’a l’ora d’ara se pòdon trobar sus Internet.
 
Ça que la, lo documentari que nos sembla mai interessant es Donar la Paraula, que serà redifusat dimenge que ven, 13 d’octòbre a 5h50. Dins aquel documentari de 32 minutas, Raymond Depardon e Claudine Nougaret an causit nòu lengas en dangièr: lo chipaya, lo kaweskar, lo quíchoa, lo mapuche, lo guaraní, lo yanomami, l’afar, lo breton e l’occitan. Amb de mots plan simples, d’òmes e de femnas dison l’estacament a lor cultura.

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

occitanofòn aicí e ara
1.

Excellentissime !

  • 2
  • 0

Escriu un comentari sus aqueste article