Bandièra01 1180x150: Comuna de Tolosa

Actualitats

D’expèrts internacionals en occitan se son amassats a Barcelona per preparar l’11n Congrès de l’AIEO

Los aculhiguèt lo conselhièr de la cultura de la Generalitat de Catalonha

Las figuras mai considerablas dins l’encastre dels estudis occitans, al nivèl internacional, s’amassèron divendres passat a Barcelona per preparar l’11n Congrès de l’Associacion Internacionala d’Estudis Occitans (AIEO), que se debanarà a Lhèida del 16 al 21 de junh de 2014.
 
La reünion se menèt a tèrme gràcias a l’acòrdi de collaboracion de la Generalitat de Catalonha e de l’Universitat de Lhèida. I participèt lo conselhièr de la cultura, Ferran Mascarell, e la directritz generala de la politica lingüistica, Ester Franquesa.
 
Los expèrts venián de las universitats de Viena, Roma, Barcelona, Basilèa, Tolosa-Lo Miralh, Montpelhièr-Pau Valèri, Uviéu e Lhèida.
 
Dins la reünion concretizèron d’aspèctes tanhent als objectius, a las linhas de trabalh e als contenguts del congrès, que s’articularà en sèt categorias: l’occitan modèrne; l’occitan ancian; la literatura occitana de l’Edat Mejana; la literatura occitana modèrna e contemporanèa; las politicas lingüisticas de l’occitan; la Catalonha occitana e l’Occitània catalana; e la cultura occitana.
 
Se prevei qu’al congrès participen aperaquí 150 especialistas en lenga, literatura e cultura occitana. Jornalet tanben i serà.
 
L’AIEO se creèt en 1981 a Lièja amb la tòca de promòure los estudis occitans en las diferentas disciplinas de las sciéncias socialas e umanas, dins los domenis academics e universitaris. Cada tres ans organizan un congrès internacional.
 
A l’ora d’ara l’AIEO es formada de 461 membres venent de mai de 20 païses.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

ramon l'alcúdia de crespins
2.

Enhorabona per eixe congrés ... m'agradaria que fereu més propaganda a Valéncia per a conéixer les vostres propostes. He vist que cap valencià particia en el ocngrés i nosaltres tenim una associació:
oc-valència que té molt que aportar.
Vos passe la pàgina web
www.oc-valencia.org

  • 8
  • 0

Escriu un comentari sus aqueste article