Bandièra01 1180x150: Comuna de Tolosa

Actualitats

Los cònsols franceses pòdon pas refusar de maridar d’omosexuals

Lo Conselh Constitucional los avertís que pòdon pas presentar una “clausula de consciéncia”

Vincent Autin e Bruno Boileau es lo primièr parelh omosexual maridat del país segon la lei
Vincent Autin e Bruno Boileau es lo primièr parelh omosexual maridat del país segon la lei
Lo Conselh Constitucional francés avertiguèt los primièrs cònsols e los conselhièrs municipals que son obligats de celebrar de maridatges entre personas del meteis sèxe, pr’amor que pòdon pas presentar una “clausula de consciéncia” per evitar d’oficiar de maridatges omosexuals dins lors municipalitats.
 
Lo Constitucional afirmèt que “lo legislator prejudica pas a lor libertat de consciéncia” tocant lors foncions en la celebracion de maridatges e, doncas, considèra que “las disposicions constatadas son confòrmas a la constitucion”.
 
Qualques conselhièrs municipals volguèron pas celebrar aquel tipe d’unions matrimonialas e lo ministre de l’interior, Manuel Valls, lor respondèt en junh passat, dins una circulara, qu’avertissiá que los cònsols que volguèsson pas oficiar aquel tipe de maridatges e que trobèsson pas cap de conselhièr qu’o faguèsse podián èsser condemnats per discriminacion s’èran enseguits”.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article