Bandièra01 1180x150: Comuna de Tolosa

Actualitats

Explosion davant un licèu al sud d'Itàlia, una estudianta es mòrta

Cinc ferits grèus, dont tres gojatas en pronostic reservat

| La Repubblica

Una estudianta del licèu professional Francesca Morvillo Falcone de Brindisi, al sud d'Itàlia, es mòrta e cinc liceans son estats ferits grèus per l'explosion d'una bomba plaçada davant lo licèu, segon lo departament italian de Proteccion Civila.


L'explosion s'es produsida a 07h45 quand los estudiants èran a la pòrta del centre per intrar a classa. Lo jornal La Repubblica, que parla d'atemptat, explica que lo licèu es a trenta mètres del Palai de Justícia de la municipalitat. La polícia a delimitat la zòna de l'explosion e los artificièrs analizan l'endrech. 
 
L'explosion s'es produsida justament lo jorn que deu arribar la "Caravana de la Legalitat", una marcha de protèsta contra la màfia e lo crim organizat en Itàlia. 
 
Lo nom del licèu es pr'amor de la femna del conegut jutge antimàfia Giovanni Falcone, que foguèt assassinat lo 23 de mai de 1992, amb una bomba.
 
 
 
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article