Bandièra01 1180x150: Comuna de Tolosa

Actualitats

Bordèu demanda de dons als ciutadans per crompar una escultura

La vila de Bordèu vòl crompar una òbra monumentala de l’escultor catalan Jaume Plensa. Per o far, la comuna a demandat d’ajuda economica als ciutadans.
 
L’escultura, entitolada Sanna, es estada expausada pendent sièis meses sus la Plaça de la Comèdia e a l’ora d’ara èra previst de la retirar. Mas la comuna percebèt que los ciutadans l’aculhissián fòrça ben, segon un sondatge. E mai se demandèt lo vejaire de 1917 personas e lo resultat èra clar: 90% èran dispausats a far de dons per ajudar la comuna a aquerir l’obratge.
 
Es pr’amor d’aquò que los bordaleses pòdon ja far lors dons, de la quantitat que vòlgan, a la comuna, en n’especificant que lo motiu es de crompar aquela escultura. Segon los mèdias, se sap pas encara qual serà lo prètz que l’artista decidirà.
 
Es pas lo primièr còp qu’una municipalitat, qu’aculhís temporàriament un obratge de Plensa, lo crompa. Venècia faguèt parièr.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ug Al fresc
1.

E perqué pas lançar de soscripcions publicas per sostenir una escòla calandreta/ bilenga dins de ciutats grandas. S'acampariá benlèu ben d'argent!

  • 5
  • 0

Escriu un comentari sus aqueste article