Bandièra01 1180x150: Comuna de Tolosa

Actualitats

De milièrs de pompièrs trabalhan per amorçar un megaincendi en Austràlia

| solidarity.net.au
De ventadas fòrtas son a reviscolar los 57 fuòcs que crèman dins l’estat de la Nòva Galas del Sud, a l’èst d’Austràlia, ont dimècres passat 1400 pompièrs s’apondián al milièr de personas que ja trabalhavan a combatre las flamas dempuèi dijòus passat.
 
Fins ara, 120 000 ectars son completament cremats pel fuòc. Las autoritats an declarada la zòna dins l’estat d’emergéncia.
 
Lo megaincendi comencèt lo 17 d’octòbre passat, quand de fuòcs forestièrs cremèron mai de 200 lotjaments. An ja detengut cinc menors per aver provocat presumidament las flamas qu’an originada la catastròfa.
 
A l’ora d’ara se calcula los damatges a 70 milions d’èuros.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article