CAPÇALERA2: FAI-TE SOCI

Jornalet, gaseta occitana d'informacions

Dijòus, 21 de març

Actualitats

Dimenge, 27 d'octòbre de 2013, 03h00 Libres

Asterix e Obelix vesitan Escòcia

Lo nòu scenarista e lo nòu dessenhaire, que relèvan Uderzo, son los occitans Jean-Yves Ferri e Didier Conrad


Comentaris 11 comentaris    
Marrit Flac Bon Plan bon Fabulós (6 vòtes)
carregant En cargar


Mièg sègle après aver començat de vesitar los ancians pòbles d’Euròpa e d’endacòm mai, los gals Asterix e Obelix contunhan de viatjar luènh de lor petit vilatge en Armorica. Asterix en cò dels Pictes es lo darrièr album —e ja lo trenta cinquen— de la famosa benda dessenhada. Aqueste còp lo brave petit gal e son companh rebombèl travèrsan la Manja per anar en Caledònia (l’Escòcia actuala) per i ajudar los pictes, lo pòble autoctòn, contra l’invasion romana.
 
Coma d’abitud, l’album nòu es confle de topics suls abitants dels païses vesitats pels gals. Aqueste còp se remarca l’afeccion pel whisky, la cabreta, los òmes en gonèla, lo lançament de troncs, l’estructura sociala en clans e los noms d’ostal començant per Mac… E benlèu l’origina del mostre del Loch Nis (Loch Ness) e del Mur d’Adrian, bastit pels romans per se protegir dels pictes.
 
Asterix en cò dels Pictes ven de se lançar mondialament en vint e tres lengas, qu’entre elas l’occitan i es pas e mai se i son lo francés, lo catalan e lo basco. Cal dire que, solament dins l’estat francés, se’n publicarà dos milions d’exemplars.
 
 
D’autors occitans
 
Las aventuras d’Asterix e Obelix nasquèron en 1959 de la man de dos franceses, lo dessenhaire Albert Uderzo e lo scenarista René Goscinny que moriguèt en 1977. Tre alavetz, Uderzo prenguèt en carga la redaccion e l’illustracion dels albums que seguirián. Mas ara, dins sos ochanta sièis ans, a decidit d’èsser relevat per un nòu scenarista e un nòu dessenhaire: se tracta dels occitans Jean-Yves Ferri e Didier Conrad. Curiosament los dos nasquèron en 1959, l’an de publicacion del primièr album Asterix lo Gal.
 
 
Los pictes d’Escòcia

Los pictes son un pòble pas tròp conegut qu’abitava Escòcia, o ancianament Caledònia, e que resistiguèt tant a l’Empèri Roman coma a las invasions germanicas posterioras. La desaparicion dels reialmes pictes foguèt lo resultat d’un procès de fusion de pòbles que culminèt a la mitat del sègle IX amb la creacion de l’Escòcia medievala. Lo nòu scenarista, Jean-Yves Ferri, a vesitat qualques còps aquel país, que l’an que ven farà un referendum sus son independéncia a respècte del Reialme Unit. Aquel vòte, que se debanarà lo 18 de setembre de 2014, “apareis plan subtilament” dins l’album, çò diguèt Ferri.
 
 
 
 



publicitat



Comentaris

29 d'octòbre 17.09h

#10 Tant de bon e mercés peu ligam ! La mia cultura BD qu'ei d'arrefresquir :).


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

29 d'octòbre 16.53h

#8 Tè, a prepaus d'aquò, :

http://taban.canalblog.com/archives/2009/12/20/16219759.html


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

29 d'octòbre 16.51h

#8 Taus autors "occitans", que m'estonaré qu'avossin la mendra idea de quin se ditz "un mascle de galina" en parlar de casa loa

E pasmens... Sias mau tombat per lo còp, estent que Jean Yves Ferri es l'autor d'Aimé Lacapelle, qu'es cafit de mòts e de referéncias a l'Occitan. Siau quasi segur d'alhors que saup coma se ditz, justament, lo "mascle de la galina" e qu'en de mai, l'empleguèt ja dins una de sei bendas dessenhadas !


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

29 d'octòbre 15.47h

#6 B'as rason amic Halhèr. Non nse'n podem pas estar… qu'èm los endemoniats de la lenga blossa :) !
Tà la benda d'imatges, malaja, l'èi paginejada a la libreria e n'i a pas gran-causa a’n díser. Qu'am coneishut lo Conrad coma un dessinator deus melhors de la soa generacion, mes pas aquí. E taus gags… nat m'a pas hèit arríder.
Perdon de har deu tumahús, mes… aquí unhaut àlbum d'Asterix que cromparèi pas. Tà jo lo noste Gau preferit be s'ei mort quan lo Goscinny.

Taus autors... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

29 d'octòbre 03.48h

#3 Del costat de Besièrs, quand èri mainatge, disiam tanplan lo pol coma lo gal. N'i aviá un al vilatge que son chafre èra Lo Pol. Benlèu parlavi gascon sens o saupre!


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

29 d'octòbre 01.42h

Quin país de lhòcos!! Se'n foten toti deth contengut dera notícia, d'Escòcia, deth darrèr album d'Asterix e des occitans que le hèn, e se foten a discutir com se ditz "poth" en sòn pòble... e ara ora dera vertat, toti que diden "coq".


Valoriza aqueste comentari:   votar positiu 1   votar negatiu 1
Respondre comentari replica Comentari inadeqüat   Formulari d'abús de comentari

28 d'octòbre 14.03h

#3 E a Dacs que dísem "hasan", e lo "gal" qu'ei coneishut en Comenge, sos la forma "galh". E'n cau dedusir lo bigordan e lo comengés que son duas lengas tanhentas e totun diferentas ? o lo gascon pirenenc vs. lo shalossenc ?
La codèita (verdaula, auelhèra, canauelhèr, amusapastor, cuublanca, shita, chiuïc, codiscla…) qu'a un ciquantenat de noms diferents capvath Gasconha tota. E son autandas lengas diferentas ?
En anglés britannic lo gal/pol/poth/galh que's ditz "cock", e "rooster" en ... Legir mai


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

28 d'octòbre 12.09h

#3 E alara, Gasconet imaginari ! Lo pol se ditz tanben en zòna dite "lengadociana" ! E se me parlas d'un poth, me serà pas plan complicat d'entendre un pol, e donc un gal. o un jal, o un jau, coma o disiá lo Prince d'Aquitània.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

28 d'octòbre 08.10h

Adixats a tots,en gascon pirenenc ,eth mascle dera garia (galina en lengadocian) qu'ei eth poth ,totas aqueras diferencias lexicaus entre eth gascon e'ths autes parlars d'òc que'm ahorteixen a pensar qu'eth gascon ei ua auta lenga pròixa deth occitan mès ua auta lenga .


Valoriza aqueste comentari:   votar positiu 0   votar negatiu 8
Respondre comentari replica Comentari inadeqüat   Formulari d'abús de comentari

27 d'octòbre 23.46h

#1 En latin gallus / galli significa(va) a l'encòp "mascle de galina" e "gallés".
En occitan tanben, me sembla que "gal" pòt aver los dos sentits.
Podem dire "los gals / los gaus" o "los gallés" (damb o sense majuscula).
O benlèu tanben "cèltas continentals" ? Mès cresi que i aviá sul continent d’autres pòbles cèltas, qui n’èran pas tots gallés.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

Restituir la dignitat

Dissabte passat, fasiá 775 ans qu’aviá agut luòc la tragèdia de Montsegur. Amb l’extermini del darrièr nuclèu de resisténcia catara e lo cremament ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

"A l'ora d'ara es impossible de prene lo fusilh"

Jann-Marc Rouillan fondador d'Action Dirècta, collaborador del MIL e ara escrivan

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • © Xavi Gutiérrez Riu

    Coserans: Sent Líser, Casavèth, Sent Guironç, Saurat...

  • Musèu de Terra Mata, Niça, mai anciana traça de fuec au monde

  • © Laurenç Revèst

    Fòrt Maginòt de Sant Anhe

  • © Laurenç Revèst

    Bessas (Bas Vivarés)

  • © Franc Bardòu

    Catalonha etèrna

  • © Aure Séguier

    Carnaval Biarnés 2017

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Briga (val de Ròia)

  • Carnaval Gascon a l'Isla de Baish 2013. © Yves Sénécal

    Carnaval Gascon 2013 a L'Isla de Baish (Savés)

  • Valadas. © Xavi Gutiérrez Riu

    Valadas

  • Agaits tolosans. © Franc Bardòu

    Agaits Tolosans

  • © Laurenç Revèst

    Nimes e preséncia d'occitan

  • © Franc Bardòu

    Asuèlhs Bigordans

  • © Zep Armentano

    XI prèmis Gaudí de l'Acadèmia Catalana del Cinèma

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • A Gavotina marítima: Recabruna Cab Martin, a vila vielha e o castèl dau sécolo X

  • © Laurenç Revèst

    Cavairac (Costièra de Nimes)

  • © Franc Bardòu

    Catalonha etèrna

  • Coserans: Sent Líser, Casavèth, Sent Guironç, Saurat...

giny

Las mai...

publicitat

LATERAL2 300x250: Cultura Conselh Aran

giny

Sondatge

Creses que la memòria istorica es importanta?


94%



3%



3%




Vots 104 vòtes

comentaris 2

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)