CAPÇALERA2: FAI-TE SOCI

Jornalet, gaseta occitana d'informacions

Dijòus, 21 de març

Actualitats

Dimenge, 27 d'octòbre de 2013, 03h00 Cultura,Libres,Societat

L’escrivan Raimond Guiraud ven de se morir


Comentaris 3 comentaris    
Marrit Flac Bon Plan bon Fabulós (7 vòtes)
carregant En cargar


Sabiái lo Comissari Casals malaut. Es d’aquel nom del personatge principal de sos romans que, de totjorn, escaissèri familiarament Raimond Guiraud. Entre nautres èra una complicitat ja vièlha. Non! Anava pas plan lo Comissari Casals. Fa qualquas setmanas enlà, al moment de nòstra darrièra telefonada, teniá mal a polsar. Èra bravament desalenat. Pasmens, tanlèu que parlàvem de literatura, tornava prene vam. Qualques còps l’anavi véser a Marçac de Tarn. Aviá arrestat d’escriure per suenhar son esposa, mas a gaireben ueitanta cinc ans, me disiá qu’aviá encara d’idèas de scenaris per de romans. Longamai qualqu’unes s’i passejavan pel cap. Voliá contunhar de balhar vida a son personatge famós del Comissari Casals. L’escrivan voliá tornar a La Fabrica (lo comissariat de polícia fictiu de sos romans).
 
Raimond Guiraud agèt una vida plan emplenada. Nasquèt a Tolosa en 1929. Teniá la lenga de familha qu’an aquesta epòca la transmission familiala se fasiá encara. A de mai, dins las annadas 30 e 40 la lenga clantissiá per carrièras. Èra encara socializada. Professionalament Raimond Guiraud faguèt mantun mestièr: camionaire, obrièr, jornalista, maites encara... Èra un òme curiós de totas causas. Quand ne virava, trastejava pas per cambiar de vida. Ça que la, trabalhèt de temps coma comercial dins l’agroalimentari per Domenc, lo “miliardari roge” de Noè, en País Tolosan. Es lo pòst qu’ocupèt lo mai de temps. Èra un òme tras qu’actiu.
        
Se collaborèt d’ora a l’Almanac Occitan d’Arièja, romancegèt pas que quand foguèt a la retirada. Aquò’s son amic Jòrdi Ensergueix que, bèl primièr, li aprenguèt l’escritura de la lenga nòstra. Mas Raimond Guiraud apreniá lèu. Triguèt pas a començar d’ennegrir pagina sus pagina. Son primièr roman, paregut al tresen trimèstre de 1995, foguèt 22 Carrièra del Taure. Un dels primièrs de la colleccion Crimis qu’Eric Chaplain, alara director literari de l’Institut d’Estudis Occitans, veniá tot bèl just de crear. Una colleccion al format agradiu que malurosament sos successors sapièron pas servar. Lo libre pòrta lo n° 125 de la colleccion Atots. Pensi que se pòt encara crompar a IDÈCO, le sector edicions de l’Institut d’Estudis Occitans.
 
Seguiràn, puèi, dos autres romans publicats a las edicions Princi Negue. D’en d’abòrd Lo Castèl de la Paur, paregut en 1999. Se tracta d’un recuèlh de quatre novèlas policièras. N’i a una entitolada La Mòrt Veniá del Freg qu’es un vertadièr joièl del genre. Es un afar tras que complicat ont la polícia es confrontada a una enigma de mal desembolhar. A se demandar ont Raimond Guiraud las anava quèrre... Lo tresen obratge publicat es Lo Netejaire. Foguèt editat en 2002. L’accion, coma totjorn, se debana a Tolosa, (per ne saber mai sus aqueste libre). Soi pas solide de conéisser tota sa bibliografia, mas pensi qu’aquestes tres obratges son çò qu’a produsit de pus espés. Mentretant, coma senhalat pus naut, publiquèt tanben novèlas e racontes dins l’Almanac d’Arièja. Sos dos darrièrs romans son encara disponibles sus Amazon.
 
Raimond Guiraud es estat un escrivan popular autentic. Degun ne parlèt pas dins lo mitan de las letras occitanas e es damatge. Cal dire que Raimond Guiraud es estat qualqu’un de discret que cerquèt pas jamai de se conflar. E, subretot, èra pas sortit del caravanserralh de l’Educacion Nacionala franchimanda. Guiraud de Basièja, coma se fasiá tanben apelar, n’èra un de franc escriveire. D’aquí sortissiá tota sa fòrça.
         
Urosament rescontrèt de monde intelligents coma lo paure Cristian Laus, Cristian Rapin e Marcèu Esquieu que lo sapièron escotar e li faguèron fisança. De mercés an eles e a l’engèni de Raimond Guiraud, avèm d’uèi qualquas unas de las melhoras paginas de la litetatura negra europèa.
 
En aqueste mes d’octobre de 2013, las letras occitanas an perdut un de sos braves mestierals. Un òme de granda valor umana e literària. Sabi ieu la pèrdia per Occitània e la planhi. Lo Comissari Casals a definitivament netejada e penjada sa bicicleta al cròc. Qual sap s’al paradís dels escrivans i a tanben de pedaloiras?
 
 
 
 
Sèrgi Viaule



publicitat



Comentaris

29 d'octòbre 18.19h

Tornar a Cesar... Adugèri lo Raimond a alestir lo manescrich del "22 carrièra del Taur". An aquel temps, lo director literari de l'IEO èra pas Eric Chaplain, mas Joan Claudi Sèrras. Mercé per la cronica pr'aquô, que lo Raimond èra un òme que la quita vida foguèt un roman. Adieu Raimond, ara te pausas a de bon.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

27 d'octòbre 05.46h

#1 Demandi a los que se bolègan dins totas las ocasions d'exposar lors taulièrs de libres occitans de me desencusar. Fan ja un brave trabalh. Precisi: nos donam pas TOTES los mejans de los far conéisser. Cal pensar a la tela e pas doblidar los legeires de la talvèra.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

27 d'octòbre 05.40h

Encara un còp, mercé Sèrgi per aquesta magnifica cronica. De Ramon de Basièja legiguèri sonque çò editat dins "A tots". Sabiái pas que d'autres romans seus èron sortits endacòm mai. Fa mestièr d'un catalòg exaustiu de tot çò escrich en occitan. Ploram perdeque los libres en òc se vendon mal mas nos donam pas los mejans de los far conéisser.


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Restituir la dignitat

Dissabte passat, fasiá 775 ans qu’aviá agut luòc la tragèdia de Montsegur. Amb l’extermini del darrièr nuclèu de resisténcia catara e lo cremament ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

"A l'ora d'ara es impossible de prene lo fusilh"

Jann-Marc Rouillan fondador d'Action Dirècta, collaborador del MIL e ara escrivan

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • © Asalaís Moniguet

    Montpelhièr la lengadociana

  • © Franc Bardòu

    Coserans al còr

  • © Conselh Generau d'Aran

    Lo Torn de França 2016 en Aran

  • Gavotina marítima: trofèu d'August e vila vielha d'A Torbia

  • © Zep Armentano

    Era Mongetada (Val d'Aran 28-29 d'octobre 2017)

  • © Maria Millan

    22u corsa Aran per sa Lengua (26-7-2015)

  • La prima en valaa de Tiniá. © Laurenç Revèst

    La prima en Tiniá

  • © Franc Bardòu

    Catalonha etèrna

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Laurenç Revèst

    Menton, 'a vivaroalpenca maritima

  • Mauritania

    Pantais (Poèmas de Lisa Gròs sus pinturas de Christine Nicolas)

  • © Franc Bardòu

    Asuèlhs de Lauragués

  • Valadas. © Xavi Gutiérrez Riu

    Valadas

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Asuèlhs de Garnagués. © Franc Bardòu

    Asuèlhs de Garnagués

  • © Laurenç Revèst

    Ua comua de la valaia dai Palhons: L'Escarea, gents de cadea

  • Valadas. © Xavi Gutiérrez Riu

    Valadas

  • Asuèlhs comengeses. © Franc Bardòu

    Asuèlhs Comengeses

  • © Lydie Balloux

    Concors de Nadal 2014. Las Calendas en çò vòstre

giny

Las mai...

publicitat

LATERAL2 300x250: Cultura Conselh Aran

giny

Sondatge

Creses que la memòria istorica es importanta?


94%



3%



3%




Vots 104 vòtes

comentaris 2

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)