Un òme de 34 ans foguèt tuat per balas, la nuèch de dissabte, près del Pargue Margeray, dins lo 14n arredondiment de Marselha. Lo còrs foguèt descobèrt per una vesina de la Ciutat dei Flamencs a 8 oras del matin de dissabte.
La victima, tocada mortalament, èra al volant de sa Peugeot 207, amb los fars alucats e lo motor que virava encara. Aviá una plaga al cap. Aquel òme èra nascut en 1979 e viviá amb sos parents dins una coproprietat de petits immòbles d’aquela banlèga, segon Sud-Ouest. Un estug de bala del calibre 12 foguèt trobat a l’exterior de la veitura.
Segon los primièrs elements de l’enquèsta, l’agressor (o los agressors) esperava la victima que ne coneissiá las abituds.
Segon una font pròcha de l’enquèsta, en vesent lo perfil de l’òme assassinat e l’arma emplegada contra el, s’agiriá pas d’un “reglament de comptes”, coma se’n produtz sovent a Marselha sus fons de trafec d’estupefasents. “Aquò son pas los metòdes classics del reglament de comptes”, çò confirmèt lo representant del ministèri public.
La procuraira adjoncha de Marselha, Catherine Alexandre, a declarat qu’a l’ora d’ara “totas las pistas son dobèrtas”. An comandat las investigacions a la brigada criminala de la polícia judiciària de Marselha.
Lo jornal La Provence n’ofrís mai d’informacions dins son edicion d’aqueste diluns.
La victima, tocada mortalament, èra al volant de sa Peugeot 207, amb los fars alucats e lo motor que virava encara. Aviá una plaga al cap. Aquel òme èra nascut en 1979 e viviá amb sos parents dins una coproprietat de petits immòbles d’aquela banlèga, segon Sud-Ouest. Un estug de bala del calibre 12 foguèt trobat a l’exterior de la veitura.
Segon los primièrs elements de l’enquèsta, l’agressor (o los agressors) esperava la victima que ne coneissiá las abituds.
Segon una font pròcha de l’enquèsta, en vesent lo perfil de l’òme assassinat e l’arma emplegada contra el, s’agiriá pas d’un “reglament de comptes”, coma se’n produtz sovent a Marselha sus fons de trafec d’estupefasents. “Aquò son pas los metòdes classics del reglament de comptes”, çò confirmèt lo representant del ministèri public.
La procuraira adjoncha de Marselha, Catherine Alexandre, a declarat qu’a l’ora d’ara “totas las pistas son dobèrtas”. An comandat las investigacions a la brigada criminala de la polícia judiciària de Marselha.
Lo jornal La Provence n’ofrís mai d’informacions dins son edicion d’aqueste diluns.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari