Bandièra01 1180x150: Comuna de Tolosa

Actualitats

Manifestacion a Madrid contra la Cort Europèa dels Dreches Umans

Qualques milièrs de personas manifestèron dimenge passat a Madrid contra la Cort Europèa dels Dreches Umans, contra lo dialòg amb ÈTA e per se proclamar “venceires” d’una guèrra.


En seguida de la senténcia de la Cort Europèa dels Dreches Umans d’Estrasborg, que condemna Espanha per l’alongament de penas de preson a qualques presonièrs, l’Associacion de las Victimas del Terrorisme (AVT) manifestèt dimenge passat contra la decision d’aquel tribunal umanitari. Amb lo lèma “Justícia per una fin amb de venceires e de vencuts”, l’acamp amassèt de representants del Partit Popular (PP), d’Union Progrès e Democracia (UPyD) e d’autres partits d’ultradrecha.
 
La presidenta de l’AVT, Ángeles Pedraza, insistiguèt que i deu pas aver cap de dialòg amb ÈTA perque las victimas an “drech de ganhar e de se proclamar venceiras”. Pedraza acabèt son discors amb un messatge als membres d’ÈTA que van sortir totara de la preson gràcias a la Cort Europèa dels Dreches Umans: “trabalharem per que tornetz en preson”, lor diguèt.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Amalric de Montreal Montreal de Carcassés
18.

#17 Pensi ieu que lo Guevara d'opereta que nos manda sos vejaires sul Jornalet vos a fòrt plan legit, Rodrigo ! A legit que : « jamès eth pais Basco n'estè independent mès qu' a tostemps estat provincia de França e d'Espanha sense nat problèma… » Si que ne pausa un ! E qué fasètz del dreit dels pòbles a dispausar e se-meteis ? Fins al moviment racista (que reagiguèt malbiaissudament al mesprètz pel mesprètz) la question, l'avián pas jamai pausada als Basques, per saber s'aquò pausava problèma o pas. Demandatz al nebòt de Carles Magnus, lo Rotland, se li pausèt pas problèma, en tornant de Saragòssa la Blanca…

  • 7
  • 0
ròdrigò Bigòrra
17.

Pirolet,qu'avetz a veger era vertat ,ETA qu'a tostemps estat un grope nacionalista e socialista , autement ditz comunista revolucionaire ,qui voleva imposar era sua ideologia a tot eth pais Basco ,non sòi pas tot sol a diser-d'ac que i a un sarròt de monde qui ac pensa entre eths quaus intelectuaus ,nacionalista e socialista que' s sembla hèra ath nazisme qui èra eth tanben nacionau socialista .Eths de ETA que son devengut ath briu deth temps foncionaris deth terrorisme en practicar er'extorcion de fonds ,en tuar monde qui non voleva pas pagar eths impôst revulucionari, qu'ac cau saber.Non sòi pas brica anti BAsco ath contrari qu'aimi hèra eth pais Basco que'u coneixi de plan qu'i vòi sovent e enmès d'açò qu'apreni eth Basco tanben pormor aquera lenga qu'ei un tresòr der'umanitat , vielh de trenta mil ans , qu'ac cau sauvar

  • 1
  • 0
Pirolet
16.

#15 Las caricaturas fan pas avançar las causas. Dificil de creire que i a pas de racisme antibasc jos vòstre prepaus. Mas benlèu sètz de bona fe e vos'n mainatz pas.

  • 5
  • 0
ròdrigò bigòrra
15.

Adiu Ernest,si as plan leguir eth mié comentari qu'auras vist ua causa, qu'ei dit qu'ara eths Bascos an er'autonomia dab poders enormes entò eth poder legislatiu e si guerdam er'istòria jamès eth pais Basco n'estè independent mès qu' a tostemps estat provincia de França e d'Espanha sense nat problèma entò er'arribada d'aqueth Sabino de Arana qui a difusat era sua doctrina racista entò arribar'n ara situacion ena quau e's troba uei eth pais Basco.

  • 1
  • 0
Ernèst Guevara Jr. L'Avana
14.

#11 As plan rason d'o precisir, Don Rodrigo : la doctrina originala del Sabino de Arana èra fondamentalament racista, e mai expancionista, estant que reclamava de cobrar Aragon e Gasconha fins a Garona en Euskal Herria. E pasmens… dire d'un pòble qu'a "besonh de viure en patz jos l'autoritat (e mai siá "aleugierida") d'un o dos autres pòbles", aquò reven a significar que los Basques son inferiors als Franceses o als Castelhans, estant que son pas fotuts de se dirigir eles meteisses. Çò qu'es aitant racista coma de s'anar pensar que los Basques serián una raça superiora… Lo mesrpètz arriba totjorn a sollicitar l'asirança… e donc la violéncia. Cap pòble, quin que siá, cap partida de l'umanitat quina que siá, a pas ni aurà pas jamai la vocacion ontologica a se sosmetre a un autre pòble ni una autra partida de l'umanitat. Aital es, e es aital. Oblidar aquela abséncia de vocacion a la sosmession, es alandar la pòrta a las tempèstas, de tot biais. Los pòbles aspiran totes, sens excepcion, a la dignitat, amb dreits rigorosament egals.

  • 6
  • 0

Escriu un comentari sus aqueste article