Bandièra01 1180x150: Comuna de Tolosa

Actualitats

Lou Reed: lo rock a perdut una de sas voses mai legendàrias

D’aquel musician nòvayorkés, compositor e guitarrista, òm se’n remembrarà per èsser uns dels fondadors de The Velvet Underground, un dels grops mai influents e mitics de l’istòria del rock

Lewis Allen Reed, mai conegut coma Lou Reed, èra nascut al quartièr de Brooklyn, a Nòva York, lo 2 de març de 1942. En 1964 fondèt, amb John Cale, The Velvet Underground, jos la proteccion de l’artista Andy Warhol. Aquela formacion faguèt evident que las paraulas e lo messatge d’una cançon podián èsser mai importantas que la quita musica. De fach, lo primièr album de la formacion entitolat The Velvet Underground & Nico, amb la cobertura de Warhol, es considerat un dels disques mai influents de la segonda mitat del sègle XX.
 
Es considerat paire del rock independent, e amb The Velvet Underground, escriguèt de cançons que son passadas a l’istòria, coma Heroin, Rock and Roll, I’m Waiting for the Man e Sweet Jane. Aprèp se consagrèt a la musica en solitari.
 
Lou Reed moriguèt dimenge de ser a 71 ans. Las primièras informacions del decès venguèron de la revista Rolling Stone. S’es pas dich  la causa de la mòrt, mas en mai passat, li avián fach una transplantacion de fetge. 
 


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Casa
7.

Peire Cardenal, sias lo mai grand reaccionari qu'ai jamai rencontrat, occitans e non occitans confonduts ! Disi reaccionari mai pensi qu'es mai grèu, evidentament ..

  • 6
  • 1
Cédric Rousseu Tolosa
6.

#4 Se legissi plan ço qu'escriguetz, que i'a la Cultura amb una C granda, e lo de mai qu'es d'eradicar....

Es qu'aquò voldria diser que i'a culturas mièlhs que d'autras ? Punt de vista interessant....

  • 9
  • 1
Terric Lausa Quilhan
5.

#4

Soi pas segur car P.C. que los artistas de Rock tengan lo monopòli de la dròga.

Vesètz, ieu coneissi de monde que son conariodependents...

  • 8
  • 1
pèire cardenal siverga
4.

comenci de n'aguer pron d'aquelei musicaires de rock o de pop que moron e fan puèi lei gros titols de la premsa e dei mediàs. sabiàu pas qu'èran nascuts e sa mort per ieu significa pati patà pas ren .tot en contribuïènt a l'americanizacion dei vielhas culturas d'Europa. remarqui au passatge qu'aquelei pelandrons se caracterizan pereu per una addicion a la droga, e que sa musica elementària se situa entre lo chinanaponpon e lo tutupanpan, que siam ben luenh de Mozart, de louis Armstrong e de Kurt Weil, alora lenga muta....

  • 1
  • 18
Cédric Rousseu Tolosa
3.

#2 En escrich benleu, aprep trapi (mas en un vejaire personal) qu'al nivèl televisat o radiofonic (fòra benleu de d'unes sul servici public) e d'en Zegut, trapi aquò laugier...
Aprep dintram aici dins la contesta de la manca (al mens en França) de medias (de massa s'entend) abodats al ròck jos totas sas formas (Arte n'en far de quant en quant, l'Enorme TV comença de faire de trabalh, mas son encara pauc connegut)

  • 1
  • 1

Escriu un comentari sus aqueste article