Bandièra01 1180x150: País Invisible

Actualitats

Letra dubèrta a Manuel Valls per las lengas de França

L'escrivan catalande Joan Daniel Bezsonoff demana al nòu ministre d'Interior, qu'es el tanben catalan, que se respècten las lengas de França

Manuel Valls
Manuel Valls | Parti Socialiste

L'escrivan perpinhanés Joan Daniel Bezsonoff a escrich una letra dobèrta a Manuel Valls, lo catalan qu'es arribat èsser ministre d'Interior de la Republica francesa amb François Hollande, per reclamar que se respècten las lengas de França.




Bezsonoff a dich, en una letra publicada sul jornal catalan
E-notícies,que "fòrça ciutadans franceses, son tristes perque la republica lor permet pas viure una vida armoniosa. M'expliqui, sénher lo ministre. M'agrada fòrça la lenga francesa e soi urós de poder comprene totes los matises de las cançons de Jacques Brel e de Georges Brassens, de poder legir dirèctament Marcel Proust, Balzac o Flaubert, de conéisser totes los films de Louis Jouvet e Jean Gabin". 
 


"Ça que la, auriái aimat que la doça França respectèsse e aimèsse las siás sòrs catalana, occitana, basca, còrsa, arpitana, bretona, flamenca, alsaciana. Sèm pas mai dins lo sègle XIX. Euròpa se bastís. Las frontièras son tombadas e seriá benlèu ora que la republica se sentiguèsse pas menaçada per la siá diversitat e reconeguèsse la siá riquesa lingüistica", apond.
 


"Sénher lo ministre, vos que sètz catalan, volètz que la lenga que parlatz amb la vòstra maire e desaparesca completament del territòri francés? França sens la lenga catalana, occitana e totas las siás sòrs seriá un cementèri lingüistic, lugubre, dessecat, triste coma un estiu sens solelh e una vida sens amor", çò ditz l'escrivan.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gerard Loison Tolosa / Perpinyà
10.

Tà evitar lo meridionalisme e l'aute gallicisme, jo dirí « subtilitat » en gascon, o sia en yiddish (tanben ua lengua indigèna de França, Sr Beszonoff) : פײנהײט.

  • 1
  • 3
Maime Limòtges
9.

#8 Manuel Valls es d'una familha catalana nacionalista, me sembla, e mai parla en catalan emb sa mair e sa sòrre. Mas sei de consent, èsser un catalanofòne actiu sufis pas pas per voler defendre la lenga.

  • 3
  • 0
Alícia Monteplhièr
8.

L'article nos ditz pas perqué l'escrivan a causit Manèl Valls ; perqué lo ministre en question èra de familha catalana ? Ai plan páur qu'aquò baste pas, pecaire…

  • 3
  • 0
Pirolet
7.

Sèm polits se començan amb d'aiatolàs de l'occitan pur. Ièu estimi mièlhs lo vin pur que la lenga pura. Tan mai que matís es tan occitan coma nuança! Gaitatz lo Laux bedigasses! E òsca als araneses que fan un polit prètzfach!

  • 1
  • 1
Halhèr Les
6.

#3 Totes los matises de las cançons = Totas las nuanças de las cançons

  • 1
  • 0

Escriu un comentari sus aqueste article