CAPCALERA: VILA DE TOLOSA
CAPÇALERA2: IEA-AALO

Jornalet, gaseta occitana d'informacions

Dissabte, 17 de novembre

Actualitats

Diluns, 4 de novembre de 2013, 03h00 Espòrt

Un Monde XIII: occitans-samoans, un sol combat!


Comentaris Cap de comentari    
Marrit Flac Bon Plan bon Fabulós (2 vòtes)
carregant En cargar


Los samoans desfisan los Kiwis





Etiquetas
copa del mond de rugbi xiii, roch, rugbi, rugbi xiii, xiii

Se dissabte las resultas de las partidas de la Copa del Monde de XIII foguèron logicas, amb las victòrias aisidas d’Anglatèrra fàcia a Irlanda (42-0) e d’Austràlia contra Fiji (32-4), la vesprada de dimenge se dobriguèt sus una brava suspresa: los americans faguèron plegar los Diables Roges galeses atupits (24-16). La jornada se clavèt a Workington per un festenal d’ensags entre Escòcia e Itàlia que trapèt pas de venceire: 30-30.
 
Aqueste diluns, una partida al programa: Samoa -Papoa-Nòva Guinèa dins lo grop dels Blaus (21h, al Craven Park d’Hull).
 
Seguirem amb plan d’atencion aquela partida: una victòria samoana fariá de la partida de diluns que ven a Perpinhan un rescontre de classament entre França e Samoa. Una desfacha samoana poiriá dobrir de cases complicats d’egalitat al clasasment e de diferéncias de punts. Aquò en se diguent que la Nòva Zelanda batrà los papós divendres!
Samoa apareguèt sus la scèna internacionala tretzista en 1988 en jogant la Copa del Pacific. A ja pres part a las Copas del Monde de 1995 (victòria contra França 56-10 e desfaita fàcia a Galas 22-10), 2000 (victòria contra los maòris: 21-16; e Escòcia: 20-10; desfaita fàcia a Irlanda: 30-16; eliminacion en quarts de finala per Austràlia: 66-10) e 2008 (victòria contra Tònga: 20-12; desfaita fàcia a Irlanda: 34-16; victòria contra França per la 9a plaça: 42-10). La majoritat dels seleccionats samoans de 2013 jògan en NRL.
Las Illas Samoa son pobladas dempuèi mai de 3000 ans. L’olandés Jacob Roggeveen las identifiquèt en 1722, mas foguèt l’occitan La Peirosa lo primièr occidental a pausar lo pè sus una illa: la de Tutuila. Per un primièr rescontre internacional, aquò se passèt mal: son comandant en segond e 11 membres d’esquipatge foguèron tuats. En 1889, Anglatèrra, los Estats Units e Alemanha signèron un tractat que durèt un desenat d’ans abans de veire los Estats Units contrarotlar la part orientala, los alemands la part occidentala e los angleses prene lo contraròtle de Tònga, Niue e Nauru. En 1914, la Nòva Zelanda prenguèt la direccion de las Samoa Occidentalas fins a l’independéncia de 1962. Lo país s’inspira de las institucions anglesas: son regim es de monarquia constitucionala, mas amb un rei (l’O le Ao O le Malo) nomenat per 5 ans pel Parlament. Lo sistèma judiciari mescla lo sistèma anglés e las costumas localas. Un pauc mens de 200 000 estatjants amb lo mai grand nombre dins la capitala Apia (35 000 estatjants) pòblan las 4 illas del país (55 000 samoans vivon costat american). Existís una fòrta emigracion cap a Austràlia, la Nòva Zelanda e los Estats Units. Sièis illas desèrtas completan lo territòri.
 
Lo samoan es lenga cooficiala amb l’anglés. Fa part de las lengas polinesianas e es parlat per 300 000 personas. Son alfabet es de 14 letras (5 vocalas: a, e, i, o, u; e 9 consonantas: f, g, l, m, n, p, s, t, v). S’i ajusta una qu’indica un còp de glòtis. Per l’ora, aqueste article es en occitan, vist que ‘ou te lē iloa tautala fa’asamoa (parli pas samoan), e vos daissi que d’escriure tot aquò, fia inu, fia ‘ai (teni set e talent)!




Alan Roch



publicitat
BANER1: IEA-AALO



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

“Nòstre enemic èra pas l’alemand”

Aqueste dimenge 11 de novembre, de capolièrs del Mond entièr se passejan per París, en seguissent Emmanuel Macron. Dins una cordelada de ceremònias, festejan l’armistici ...
giny

Lo temps

Mapa
  • sol Agen 18 8
  • nuvols_parcials Aush 16 8
  • sol Bordèu 18 8
  • sol Briançon 2 -7
  • sol Caors 21 6
  • nuvols Carcassona 15 6
  • nuvols Clarmont-Ferrand 7 -1
  • nuvols Confolent 16 5
  • sol Gap 8 1
  • sol La Canau 18 8
  • nuvols_parcials La Gàrdia 11 6
  • nuvols_parcials La Torre de Pèlitz 8 2
  • nuvols Limòtges 16 5
  • nuvols_parcials Lo Borg Sant Dalmatz 9 3
  • nuvols Lo Puèi de Velai 8 -1
  • sol Marselha 13 6
  • nuvols Montpelhièr 14 7
  • sol Naut Aran 19 3
  • sol Niça 6 -6
  • sol Nimes 12 4
  • sol Pau 23 6
  • nuvols Peireguers 16 6
  • nuvols Rodés 16 5
  • sol Tolon 6
  • nuvols_parcials Tolosa 17 9
  • pluja Valença 7 1

giny

giny

Vidèos

giny

giny

publicitat

lateral 2 teveoc

Entrevista

Es una militància que fa viure Aquò d’aquí

Michèu Neumuller Cap-redactor d'Aquò d'Aquí

Es una militància que fa viure <em>Aquò d’aquí</em>
publicitat

LATERAL 1-2: IEA-AALO



publicitat

LATERAL2 330x60: Casteth Paums

Fotografias

  • Las socas e lo pan de Nadal faits per la man de ma bèla-maire. © Terric Lausa

    Concors de Nadal 2014. Las Calendas en çò vòstre

  • © Franc Bardòu

    Tèrra albigesa

  • Agaits tolosans. © Franc Bardòu

    Agaits Tolosans

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • © Aure Séguier

    Carnaval Biarnés 2017

  • Inauguracion de la Sala Claudi Molinièr a Besièrs

  • © Franc Bardòu

    Coserans al còr

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Val d'Aran, cap de Gasconha

  • © AR

    Vila d'Usès e lo pont de Gardon

  • © Franc Bardòu

    Tèrra albigesa

  • © Laurenç Revèst

    Per las carrièiras de Someire, lo pont cobèrt per la ciutat vidorlenca

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • País de Rasés. © Franc Bardòu

    País de Rasés

  • © Zep Armentano

    Era Mongetada (Val d'Aran 28-29 d'octobre 2017)

  • D.R.

    Tren e occitan

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Celèsta Toion

    La plaja espaci de libertat? D'expression?

  • © Laurenç Revèst

    Nimes e preséncia d'occitan

  • © Laurenç Revèst

    Bessas (Bas Vivarés)

giny

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)