Bandièra01 capçalera  1180x150: Novestivada

Actualitats

Rugbi. Lo Biàrritz Olimpic País Basco Campion

Pau – Lo Mont en finala a Bordèu

| Peter Dean
Amlin Cup. BOPB 21-18 RCT
 
Lo Biàrritz sauvèt la soa sason sus aquesta partida. Es lo son purmèir títol desempush 2006 e son tanben qualificats per la H Cup.
 
Los bascos dominants en mesclada, ganhèren la partida dab una aucupacion deu terrenh perfèita e veishigas de las bonas en tocar.
 
L'òmi de la partida, Yachvili, a hèit lo tribalh dab 21 punts au pè. De l'aute costat, Wilkinson manquèt una penalitat hòrt importanta. Sordeish dens las darrèiras minutas, Tolon ne suportèt pas la pression e nesabot pas tornar viéner au planchòt sus las loras darrèiras accions de dominacion.
 
 
H Cup. Leinster 42-14 Ulster
 
En H Cup la província deu Leinster emportèt la soa tresau H Cup en quate edicions shens trop de dificultat. L'equipa de Dublin ne se trobèt pas jamei en difultat fàcia a una equipa de Belfast pas tròp au nivèu.
 
 
Pro D2. Pau 16-14 la Rochèla
 
A Pau se jogàva una vertadièra partida de fasa finala de Pro D2. 
 
La seccion cadot sus una equipa de la Rochèla venguda jogar la soa escaduda a hons. La pròva dab un ensai a la setanta cincau minuta de Ferrou. Mès Laloo, jogaire rochelés format en Bearn, ne podot pas transformar e esperar las prolongacions.
 
De cada costat, i avut hòrt d'imprecision au pè. 
 
Lo moment clau de la partida se situèt a la vint-e-setau minuta dab la nafradura de Socaze e la soa sortida apuish un plaquatge dangerós. Los paulins marquèren un ensai en inferioritat numerica.
 
Sus la partida sencèra, es una victòria logica deus bearnés.
 

Lo Mont 24-20 Dacs
 
Dab lo vent en purmèira temp, Lo Mont se mit dens las mielhoras condicions per ganhar la partida. Los montés perpausèren hòrt de jòc e una bona defensa sus las seishantas purmèiras minutas de la partida. Apres fut un chic mei complicat mès cau diser que Benat Arrayet prit un carton jaune completament pèc per paraulas desplaçadas. Caud lo soletin deishèt la soa equipa a quatorze au sordeish moment de la partida. Dacs en profeitèt plan com cau dab una penalitat e un ensai. Mès la partida ne podèva pas escapar aus montés, eths trobèren l'energia necessària per empechar los de Dacs de préner l'avantatge au planchòt.
 
Cau remarcar que los dus finalistas an avut chepics en mesclada e n'an pas sabut tuar lo suspens. An vist sengle lor adversari tornar viéner en fin de partida dab un ensai dens las cinc darrèiras minutas.
 
 
 
Eric Goyhenne

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article