Bandièra01 1180x150: Comuna de Tolosa

Actualitats

Politica

Mélenchon pòt fòrabandir Marine Le Pen de l'Assemblada francesa



Lo candidat de la coalicion d'esquèrras a decidit se presentar dins la meteissa circonscripcion que la cap del partit d'ultradrecha Front Nacional per la desbancar

| Vilaweb



Segon los sondatges de la circonscripcion electorala de Hénin-Beaumont, lo candidat de la coalicion d'esquèrras Jean-Luc Mélenchon ganharà la candidata del Front Nacional, Marine Le Pen, al segond torn de las eleccions a l'assemblada francesa. Los sondatges balhan la victòria al primièr torn a Le Pen, mas tant Mélenchon coma Philippe Kermel, del Partit Socialista, an anonciat que se retiraràn l'un en favor de l'autre se demòran en tresena posicion.




A las eleccions, que se debanaràn lo 10 e lo 17 de junh, Mélenchon a decidit se presentar dins la meteissa circonscripcion que Le Pen per l'empachar d'intrar al parlament.


Un sondatge publicat ièr per Le Journal du Dimanche ditz que lo candidat de la coalicion d'esquèrras perdriá al primièr torn amb 29% dels vòtes, contra 34% per Le Pen. Mas al segond torn, Mélenchon ganhariá amb 55% dels vòtes, contra 45% per Le Pen. 
 


Dins lo cas que demorèsse pas en segonda posicion al primièr torn, lo candidat socialista capitariá tanben de batre la dirigenta ultradrechana al segond torn en tot somar los vòtes de Mélenchon.

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article