Actualitats
Occupy Wall Street al secors de las personas endeutadas
An recrompat près de 15 milions de dolars de deutes dels estatsunidencs subrendeutats
Los activistas d’Occupy Wall Street (OWS) an crompat aperaquí 15 milions de dolars del deute dels estatsunidencs, coma partida d’un projècte nomenat Rolling Jubilee per secórrer lo mond qu’an de pagar lors crèdits, segon d’informacions de The Guardian. L’iniciativa, nomenada Còp al Deute, se lancèt lo 15 de novembre de 2012 en seguida de las protèstas que se debanèron per tot lo Mond en 2011.
Lo grop crompa de deute personal a prètz de liquidacion a las bancas, que lo preferisson vendre a bas còst que lo pèrdre, e es aital qu’OWS libèra las personas de lors deutes. L’organizacion pòt crompar de deute a plan bon mercat mercés a la natura del “mercat segondari de deute”, çò explica Andrew Ross, membre de l’iniciativa Còp al Deute e professor d’analisi sociala e culturala de l’Universitat de Nòva York.
Se lo mond capitan pas de pagar amb regularitat los deutes de lors cartas de crèdit, lors crèdits o lors asseguranças medicalas, alara la banca, o lo prestador qu’emetèt los fonzes, ensaja eventualament de reduire sas pèrdas mejançant la venda del deute a un tresen. Lo deute se vend alavetz per una fraccion de sa valor reala, e las entrepresas que l’aquerisson ensajan de recuperar la diferéncia amb lo deute original de l’individú, en obtenent aital un benefici.
Lo projècte Rolling Jubilee foguèt concebut principalament coma un projècte d’educacion publica. “Lo nòstre objectiu principal per far aquò, en mai d’ajudar a qualques personas al cors del camin […], èra de difondre d’informacions sul foncionament d’aquel mercat segondari de deute”, çò declarèt Ross.
Lo grop s’es centrat sus la crompa de deutes medicals, e a aquerit los 14,7 milions de dolars en tres crompas desparièras, segon çò que los activistas expliquèron en una conferéncia de premsa. “Degun se deuriá pas èsser endeutat tant e far quincanèla per rendre malaut”, çò diguèt Laura Hanna, una de las organizairas de l’iniciativa, qu’expliquèt que 62% de totas las quincanèlas personalas an l’origina dins qualque tipe de deute medical.
Lo grop crompa de deute personal a prètz de liquidacion a las bancas, que lo preferisson vendre a bas còst que lo pèrdre, e es aital qu’OWS libèra las personas de lors deutes. L’organizacion pòt crompar de deute a plan bon mercat mercés a la natura del “mercat segondari de deute”, çò explica Andrew Ross, membre de l’iniciativa Còp al Deute e professor d’analisi sociala e culturala de l’Universitat de Nòva York.
Se lo mond capitan pas de pagar amb regularitat los deutes de lors cartas de crèdit, lors crèdits o lors asseguranças medicalas, alara la banca, o lo prestador qu’emetèt los fonzes, ensaja eventualament de reduire sas pèrdas mejançant la venda del deute a un tresen. Lo deute se vend alavetz per una fraccion de sa valor reala, e las entrepresas que l’aquerisson ensajan de recuperar la diferéncia amb lo deute original de l’individú, en obtenent aital un benefici.
Lo projècte Rolling Jubilee foguèt concebut principalament coma un projècte d’educacion publica. “Lo nòstre objectiu principal per far aquò, en mai d’ajudar a qualques personas al cors del camin […], èra de difondre d’informacions sul foncionament d’aquel mercat segondari de deute”, çò declarèt Ross.
Lo grop s’es centrat sus la crompa de deutes medicals, e a aquerit los 14,7 milions de dolars en tres crompas desparièras, segon çò que los activistas expliquèron en una conferéncia de premsa. “Degun se deuriá pas èsser endeutat tant e far quincanèla per rendre malaut”, çò diguèt Laura Hanna, una de las organizairas de l’iniciativa, qu’expliquèt que 62% de totas las quincanèlas personalas an l’origina dins qualque tipe de deute medical.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Vau ensajar d'o explicar amb un exemple: Imagina-te qu'un jorn venguèri plan malaut e anèri a l'espital, que soi ciutadan estatsunidenc e ai pas lo drech a la seguretat sociala. Me cal pagar una facturassa. (Aquò se passa sovent ailà). Per pagar l'espital me cal demandar un credit a la banca X, que fa de credits especials per de fraisses medicals. Demani un credit de 10 000 dolars. Me fau licenciar del trabalh, ai pas lo drech al caumatge. Pòdi pas pagar lo credit. La banca X lo reclama. Per causa de la crisi economica, qu'eles meteisses an provocat, la banca X a besonh d'argent liquid. Per n'aver vend mon credit a una entrepresa d'encaissament de credits Y, que lo crompa per 6000 dolars. La banca X atenh lo liquid sul pic, e la societat Y espèra ganhar 4000 dolars lo jorn que capitarà que li pague mon credit. La societat Y emplegarà totes sos recorses per encaissar mon credit. Mas abans que la societat Y crompe mon credit, lo mond d'OWS an collectat d'argent per me salvar, e son eles, que en simulant que son una societat d'encaissament de credits, an crompat mon credit de 10 000 dolars a la banca X per solament 6000. Lor accion m'a salvat. Dins OWS i a de mond expèrts del complicat sistèma de las finanças ultracapitalistas, que sabon lo moment precís per crompar de credits de mond qu'an pas pogut pagar lors fraisses medicals (62% de las personas endeutadas dins aquel país es per de rasons medicalas). Amb aquelas accions, OWS a capitat ja de crompar 14,7 milions de dolars en deute. OWS es un grop de protèsta sociala que sabon cossí far las causas e cossí profiechar las errors del sistèma.
Ne compreni pas tot...
Qu'ei ua bona novèla, non?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari