Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasMontpelhierenc

Fotbòl. Montpelhier campion de França 2012

Bordèu trapa l'Europa League

Al cap d'una partida epica, sens granda valor tecnica, lo Montpelhièr Erau Sport Club s'impausèt a Aussèrra (1-2). Pel primièr còp de lor istòria, los eraureses tornan a casa amb lo títol de campion de França, davant lo París SG e l'Olimpic de Lion.


La votz de Loló Nicollin carrejava una emocion pauc costumièra del personatge. Dins lo parcatge reservat als milierats de suportaires eraureses, los estadièrs luchavan per contenir las èrsas blavas e iranjas, de mond depassats e uroses. Aprèp una partida que se poguèt pensar s'acabariá pas jamai, lo MHSC acabèt per s'impausar, e per trapar enfin lo sièu primièr títol.
 
Dimenge, totes los ingredients èran amassats per passar una serada tenduda. Que Montpelhièr e París, los dos clubs en corsa pel títol foguèron menats, rapidament. Ja sasits per l'enjòc, los eraureses vegèron l'afar se complicar encara quand los suportaires borguinhons comencèron d'exprimir amb violéncia la frustracion apilada dempuèi la debuta de la sason. A Aussèrra com a Lorient, las partidas trencadas capitèron pas de cambiar lo fat, pasmens. París s'impausèt a Lorient, sens convéncer mas en tornar a casa amb lo sentit que tot èra estat intentat. Ne caliá mai per far cabussar Montpelhièr, que sapiguèt passar la siá emocion e anar prene los tres ponches necessaris, per dos gòls d'Utaka.
 
La nuèch foguèt braca, aprèp. Tornats lèu a Montpelhièr, festegèron e saborèron, fins al vrespe de diluns, que Frederic Thiriez balhèt oficialament la copa. Los jugadors del MHSC son los eròis d'un país amassat dimenge sus la plaça de la Comedia, incarnacions modèrnas de mitis secularis, e prims espers e rais de lutz dins un monde esportiu rodilhat pels sòus e los interesses financièrs. Montpelhièr, amb un budget relativament modèste, dos ans aprèp aver pujat en L1 e amb fòrça jogadors joves, es campion de França, malgrat las trapèlas e la poténcia economica dels sieus concorrents.


Bordèu trapa l'Europa League
 
L'ambient èra pas mens tendut a l'estadi Geoffroy-Guichard de Sent Esteve. Entre doas còlas amigas, la partida foguèt apassionanta, indecisa, una lucha al coratge. L'emportèron los bordaleses, dins una sieisena victòria de rènga, un pauc al biais de la seria d'onze victòrias que lor aviá menats al títol en 2009. Ongan, la capitada es mai parciala, e aténher l'Europa League es una magra consolacion aprèp una sason que pòdon considerar mancada. Pr'amor que lo nombre important de ponches perduts per fautas d'inatencion o dècas tecnicas plomba lo bilanç de la temporada. 
 
Dimenge, per l'ultima partida de Laurent Battles jos la camisa vèrda, las doas còlas joguèron al rampèl, marcar gòls per se veire ratrapats sens esperar. Mas los girondins de Francis Gillot, aprèp de meses d'una feblesa tarribla, se son trobats una soliditat e una fòrça mentala que lor permetèron de l'emportar. La C3 tornarà a Lescura l'an que ven, quand degun o auriá pas credut fa tres meses.


Los resultats:

Montpelhièr 1-2 ; Lorient – París SG 1-2 ; Lilla – Nancí 4-1 ; Lion – Niça 3-4 ; Sent Estève – Bordèu 2-3 ; Renna – Dijon 5-0 ; Tolosa – Ajaccio 0-2 ; Evian TG – Stade Brestois 0-1 ; Sochaux – Marselha 1-0 ; Valencianas – Can 3-1


 EquipaPtsJGRPBpBcDif
1Montpelhièr HSC 82 38 25 7 6 68 34 34
2 París SG 79 38 23 10 5 75 41 34
3 LOSC Lilla Metropòli 74 38 21 11 6 72 39 33
4 Olimpic de Lion 64 38 19 7 12 64 51 13
5Girondins de Bordèu 61 38 16 13 9 53 41 12
6 Stade Rennais 60 38 17 9 12 53 44 9
7 AS Sant Estève 57 38 16 9 13 49 45 4
8Tolosa FC 56 38 15 11 12 37 34 3
9 Evian TG FC 50 38 13 11 14 54 55 -1
10Olimpic de Marselha 48 38 12 12 14 45 41 4
11 AS Nancí Lorraine 45 38 11 12 15 38 48 -10
12 Valencianas FC 43 38 12 7 19 40 50 -10
13OGC Niça 42 38 10 12 16 39 46 -7
14 FC Sochaux-Montbéliard 42 38 11 9 18 40 60 -20
15 Stade Brestois 41 38 8 17 13 31 38 -7
16 AC Ajaccio 41 38 9 14 15 40 61 -21
17 FC Lorient 39 38 9 12 17 34 47 -13
18 SM Caen 38 38 9 11 18 39 59 -20
19 Dijon FCO 36 38 9 9 20 38 63 -25
20 AJ Aussèrra 34 38 7 13 18 46 57 -11

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Alan Roch Carcassona
7.

Visca Montpelhièr (pel fotbòl) !!!!!!!!!!!!!!!!!!!!!!!!!!!

  • 1
  • 0
Jornalet Occitània
6.

#5 Corregit. Mercés plan!

  • 1
  • 0
Matieu Castel Amians
5.

Ma parpèla d'agaça costumiera per leis articles ligats au fotbòl :
"Montpelhièr Erau Sport Club" e pas "Sporting Club" !

  • 4
  • 0
garric
4.

Efèctes tardièrs de la politica esportiva del Georges Frêche...

  • 1
  • 1
Joan
3.

Òsca als jogaires de Montpelhièr, an sauput far quicòm emai aguèsson pas que lo tretzen budgèt de Liga 1 ! Ara, basta de véser de qué faràn la sason que ven ... Acaban tanben europèus los Girondins de Bordèu e o cal notar (mentre que faguèron un campionat merdicós fins al mes d'abrial).

  • 4
  • 0

Escriu un comentari sus aqueste article