Bandièra01 1180x150: Comuna de Tolosa

Actualitats

La poesia occitana a l’onor a Nòva York

La ciutat dels gratacèls aculhirà dissabte que ven un simpòsi sus la nòstra cultura

Dissabte que ven la poesia occitana serà a l’onor a Nòva York. La ciutat dels gratacèls aculhirà un simpòsi entitolat Trobadors: A Symposium on Occitan Poetry (Trobadors: un Simpòsi sus la Poesia Occitana), organizat per NY’OC Trobadors, Poets House e City Lore.
 
La tòca d’aquel eveniment “es de menar la riquesa de la poesia occitana e de sa cultura al public estatsunidenc”. Per aquò far comptan amb una seguida de poètas e d’artistas que partejaràn l’istòria del país nòstre per mejan de lor poesia, “del passat e del present de la lenga d’òc menaçada”.
 
Al programa i aurà de conferéncias sus la nòstra lenga, la nòstra literatura a travèrs dels tempses, un espectacle multimèdia suls trobadors e un bufet gascon ofèrt per D’Artagnan, la botiga nòvayorkesa d’especialitats occitanas.
 
Cal soslinhar la preséncia d’Alem Surre-Garcia, Domenja Lekuona, Joan Francés Tisnèr, Jakes Aymonino, Pierre Joris e Nicole Peyrafitte, qu’acompanharàn los especialistas estatsunidencs.
 
 
 
 
_____
Trobadors: A Symposium on Occitan Poetry
Poets House
10 River Terrace
New York City
http://www.poetshouse.org/pro…
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

JIG
6.

Sembla que la cultura occitana siá apreciada pertot, exceptat al nòrd de Léger…

  • 10
  • 0
Reinat TOSCANO LO VAU
5.

I aguèt parierament lo 48th International Congress on Medieval Studies
Western Michigan University, Kalamazoo, MI
9-12 May 2013
onte se parlèt, per exemple, dau trabalh que faguèri sobre Beatritz de Mongalvanh
(leis Actes son pas'ncara publicats, son en preparacion).

  • 6
  • 1
Gerard Joan Barceló Pèiralata
4.

Una nòva que fa gaug! Veni de la partejar amb mos braves escolans d'occitan de 6a! :-)

  • 7
  • 0
Ferriòl
3.

Es vertat que Domenja Lekuona èra mencionada dos còps. O ai ja adobat. Desencusatz-me.

  • 4
  • 0
Mathieu Castel Marselha
2.

A tè ! Ieu me cresiáu qu'aprene e parlar l'occitan servissiá de ren, e subretot pas de posquer viatjar a n'un país tant modern e desenvolopat coma leis Estats Units d'America.

E feliciti Domenja Lekuona, que sembla que li serà en doble a n'aquel eveniment !

  • 10
  • 0

Escriu un comentari sus aqueste article