Actualitats
Tolosan: una candidata de l’FN quita lo partit en ne denonciant lo racisme
La candidata de Sant Alban, occitana d’origina argeriana, amb son marit, an rendut las cartas d’aderents per n’aver pro de l’omofobia e del racisme. L’FN fa sa denóncia per difamacion
Nadia Portheault, candidata del Front Nacional (FN) a la comuna de Sant Alban (Tolosan), a quitat lo partit, desgostada pel racisme e l’omofobia d’una partida dels quadres e dels militants locals, segon çò que declarèt al començament del mes a La Voix du Midi.
Ela e son marit, Thierry, rendèron tanben lors cartas d’aderents. Lo parelh planhiá “un escart entre lo discors de Marine e lo de la basa militanta”. Nadia, qu’es d’origina argeriana, denonciava aital que l’imatge public del Front Nacional correspond pas brica a la realitat militanta, “especializada dins las badinadas baudrosas suls arabis e los omosexuals”, qu’es venguda “pas mai suportabla”.
E mai se Portheault nuancèt que “se pòt pas metre totòm dins lo meteis panièr”, planguèt lo comportament de qualques responsables departamentals del partit, sens dire lors noms. Un quite quadre de l’FN del departament de Nauta Garona li diguèt: “tu e tos enfants sètz bons pel forn”.
De fach, Nadia descobriguèt lo racisme intolerant de son partit quand decidiguèt d’èsser candidata amb son nom d’ostal de joventa: Djelida. “Me conselhèron vivament de privilegiar mon nom d’esposa, e mai me diguèron que mon prenom èra gaireben un andicap”.
Son marit envièt un corrièr a Marine Le Pen, que La Voix du Midi publiquèt. Dins aquel e-mail planh de “prepauses neonazis e faissistas ben engatjats e un desgost dels arabis”, evòca un responsable que se vanta d’un tatoatge de crotz gammada portat per son fraire e de militants que “dison que cal tuar totes los arabis”.
Segon lo Front Nacional, Dòna Portheault, aderenta dempuèi 2012, se mostrèt coma son marit, èx-militant de l’UMP, una militanta plan zelada per la campanha presidenciala de Marine Le Pen. Es per aquò que “naturalament” l’FN li acordèt l’investidura e son sosten per las municipalas quand ela o demandèt.
Mas lo secretari departamental del partit, Julien Leonardelli, refusèt categoricament las acusacions del parelh. “Totes los membres de mon burèu los coneissi personalament. Cap d’entre eles es pas capable de téner de prepauses tant ignòbles e inqualificables”, çò diguèt.
Al delà, anoncièt qu’èra a far sa denóncia per difamacion. “Deuràn respondre davant la justícia e portar de pròvas de tot çò que dison”. Leobardelli, en mai d’aquò, acusèt Thierry Portheault d’èsser malcontent perque aviá pas un pòst de responsabilitat dins lo partit, e lo descoratjament de Nadia Portheault davant las realitats d’una campanha municipala.
Ela e son marit, Thierry, rendèron tanben lors cartas d’aderents. Lo parelh planhiá “un escart entre lo discors de Marine e lo de la basa militanta”. Nadia, qu’es d’origina argeriana, denonciava aital que l’imatge public del Front Nacional correspond pas brica a la realitat militanta, “especializada dins las badinadas baudrosas suls arabis e los omosexuals”, qu’es venguda “pas mai suportabla”.
E mai se Portheault nuancèt que “se pòt pas metre totòm dins lo meteis panièr”, planguèt lo comportament de qualques responsables departamentals del partit, sens dire lors noms. Un quite quadre de l’FN del departament de Nauta Garona li diguèt: “tu e tos enfants sètz bons pel forn”.
De fach, Nadia descobriguèt lo racisme intolerant de son partit quand decidiguèt d’èsser candidata amb son nom d’ostal de joventa: Djelida. “Me conselhèron vivament de privilegiar mon nom d’esposa, e mai me diguèron que mon prenom èra gaireben un andicap”.
Son marit envièt un corrièr a Marine Le Pen, que La Voix du Midi publiquèt. Dins aquel e-mail planh de “prepauses neonazis e faissistas ben engatjats e un desgost dels arabis”, evòca un responsable que se vanta d’un tatoatge de crotz gammada portat per son fraire e de militants que “dison que cal tuar totes los arabis”.
Segon lo Front Nacional, Dòna Portheault, aderenta dempuèi 2012, se mostrèt coma son marit, èx-militant de l’UMP, una militanta plan zelada per la campanha presidenciala de Marine Le Pen. Es per aquò que “naturalament” l’FN li acordèt l’investidura e son sosten per las municipalas quand ela o demandèt.
Mas lo secretari departamental del partit, Julien Leonardelli, refusèt categoricament las acusacions del parelh. “Totes los membres de mon burèu los coneissi personalament. Cap d’entre eles es pas capable de téner de prepauses tant ignòbles e inqualificables”, çò diguèt.
Al delà, anoncièt qu’èra a far sa denóncia per difamacion. “Deuràn respondre davant la justícia e portar de pròvas de tot çò que dison”. Leobardelli, en mai d’aquò, acusèt Thierry Portheault d’èsser malcontent perque aviá pas un pòst de responsabilitat dins lo partit, e lo descoratjament de Nadia Portheault davant las realitats d’una campanha municipala.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Plan, plan, aquelis testimònis d'ancians son un argument de mai, espèri que n'i aurà encara mai !
#3 As plan dromit? ;-)
Tè, aquí unhaute : http://www.liberation.fr/politiques/2013/11/24/choque-un-ex-militant-ump-abandonne-son-alliance-avec-le-fn_961690 …
Rai : au mensh qu'aprenen… mes diu vivant, quantes còps e'us cau díser l'eslama que brutla los dits ?
Lo front nacionau, un partit racista e ipocrite? Non... Que soi estonat!...
Encara una aluserpida! Mai vai tard que jamai! Mas, enfin, pensar que i a de mond per se mainar pas del racisme del FN: cal ésser analfabèt, dieu me damne!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari