Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaMónegueMónegue

Mónegue celèbra uèi sa fèsta nacionala

| Palais Princièr de Mónegue
Coma cada 19 de novembre, lo Principat de Mónegue celèbra la Fèsta del Prince, que fa figura de celebracion nacionala. Amassarà tornarmai de centenats de monegasques sus la Plaça del Palais Princièr pel tradicional salut al balcon, per fin de perpetuar la tradicion.
 
Lo 19 de novembre es lo jorn de la fèsta nacionala dempuèi 1952. Fins alavetz, Mónegue festejava cada an lo jorn del sant del prince. Mas lo prince Albèrt II a desirat conservar la fèsta del 19 de novembre en onor de son paire. Lo 19 de novembre de 1949, se faguèt la ceremònia d’accession al tròn del prince Rainièr III. Al delà, aquel jorn atanben es causit per festejar lo benaürós Rainièr de Toscana.
 
Lo petit país occitan de la Còsta d’Azur serà uèi tot engalantat de drapèls roges e blancs, e lo mond cantaràn l’imne del país qu’a sas paraulas en lenga ligura.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Piròl Tolosa
5.

#4 Se m'engani pas al dintre del Consistòri del Felibrige i a una majorala qu'es d'aquel pais, e i foguèt a l'origina d'una Santa Estèla

  • 2
  • 0
Ferriòl
3.

Justament foguèt un legeire monegasc de Jornalet que nos mandèt d'informacions per que publiquèssem l'eveniment

  • 7
  • 0
Mathieu Castel Marselha
2.

#1 chuuut... Vas desrevelhar una charradissa sènsa fin !

  • 6
  • 0
Amans Espaliu
1.

Monegue, es un pais occitan ?

  • 5
  • 0

Escriu un comentari sus aqueste article