CAPCALERA: VILA DE TOLOSA
CAPÇALERA2: IEA-AALO

Jornalet, gaseta occitana d'informacions

Dijòus, 15 de novembre

Actualitats

Divendres, 22 de novembre de 2013, 03h00 Espòrt

Un Monde XIII: Anglatèrra i crei


Comentaris Cap de comentari    
Marrit Flac Bon Plan bon Fabulós
carregant En cargar


The Big Hit: lo Grand Còp, atal los organizaires an sonat lo rendètz-vos d’aqueste dissabte de vèspre a Wembley amb las doas mièjas finalas de la Copa del Monde: Nòva Zelanda-Anglatèrra (a 2 oras del vèspre, ora occitana) e Austràlia-Fiji (a 4 e mièja). Dimècres, 65 000 bilhetas d’entrada èran ja vendudas e coma es possible de ne crompar 24 oras sus 24 (demòran de plaças a 20 liuras), l’estadi deuriá pas èsser luènh de sa capacitat d’emplenatge maximum quand l’arbitre fiularà l’entamenada de la primièra partida. Los presents s’ajustaràn als 280 000 espectators qu’an seguit los 25 rescontres ja jogats.
 
Los organizaires que capitèron una polida ceremònia de dobertura lo 26 d’octobre al Millenium de Caerddyd prometon tanben un ambient festiu de primièra a l’entorn de las partidas amb musicaires, cantaires e dançaires de qualitat.
 
L’interprèt anglés de Jean Valjean, dins una sala del West End, vendrà ganhar son pan en cantant los imnes neozelandés e anglés, alara que los imnes australian e fijian seràn interpretats pel parelh Richard and Adam. D’èrsas de dançaires traversaràn la pelena. De segur, costat coreografia, caldrà ajustar mai los hakas dels Kiwis e dels fijians.
 
La musica mai bèla demòra d’escriure: serà los crits e los picars de las mans dels espectators fàcia a l’espectacle presentat per aquela banda dels quatre grands. S’acabarà per una mitat de cants de jòia e una mitat de decepcion dintrada e gemeganta! Una vertadièra sinfonia dels sentiments e del plaser rugbistic!
 
Lo responsable de la Rugby Football League, Brian Barwick, lança una crida als angleses per portar sosten a la formacion de la Ròsa, per li balhar lo mai de moral possible fàcia als campions del monde: un pauc lo còp realizat pel public francés aqueste dimars de ser a l’estadi de Saint-Denis en sosten als Blaus de Deschamps.
 
Comença de trapar lo temps long: constata que la formacion britanica a pas ganhat la competicion dempuèi 1972 (èra alara la Grand Bretanha, venceira de la competicion en rason de son melhor classament en primièra fasa aprèp una finala acabada a egalitat amb Austràlia 10-10, l’11 de novembre a Lion, dins una partida arbitrada pel Francés Jòrdi Jameau). Dempuèi, la Grand Bretanha perdèt las finalas contra Austràlia en 1977 (13-12) e en 1992 (10-6; 75 000 espectators); l’esquipa d’Anglatèrra daissèt tanben lo títol a Austràlia en 1995 dins una finala jogada dins l’estadi de Wembley (16-8) davant 66 540 espectators.
 
Brian Barwick insistís suls quatre ans de preparacion per aqueste objectiu: la finala e lo trofèu. Alara, demanda a totes los angleses d’ajudar per lor preséncia la còlha de Kevin Sinfield dins lor escomesa dins “lo mai bèl estadi del Monde”!
 
 
Los Kiwis son avisats!
 
Mas tot es pas daurat dins lo cèl tretzista londinenc: los London Broncos venon de demandar d’èsser meses jos contraròtle judiciari per faire lo punt sus lor situacion financièra. Per l’ora, son encara marcats dins lo calendièr de la sason 2014 de Superliga que ven d’èsser anonciat, mas se sap pas se seràn efectivament de la competicion. De seguir.
 
 
 
 
Alan Roch



publicitat



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Editorial

“Nòstre enemic èra pas l’alemand”

Aqueste dimenge 11 de novembre, de capolièrs del Mond entièr se passejan per París, en seguissent Emmanuel Macron. Dins una cordelada de ceremònias, festejan l’armistici ...
giny

Lo temps

Mapa
  • sol Agen 19 9
  • nuvols Aush 8
  • sol Bordèu 20 9
  • sol Briançon 12 0
  • sol Caors 22 8
  • sol Carcassona 18 8
  • sol Clarmont-Ferrand 19 5
  • nuvols_parcials Confolent 18 8
  • sol Gap 16 5
  • sol La Canau 20 9
  • nuvols_parcials La Gàrdia 16 7
  • nuvols_parcials La Torre de Pèlitz 13 8
  • nuvols_parcials Limòtges 18 8
  • sol Lo Borg Sant Dalmatz 13 8
  • sol Lo Puèi de Velai 12 5
  • nuvols_parcials Marselha 20 9
  • nuvols Montpelhièr 18 12
  • sol Naut Aran 5
  • sol Niça 18 1
  • sol Nimes 19 9
  • sol Pau 8
  • sol Peireguers 18 9
  • nuvols_parcials Rodés 19 8
  • nuvols Tolon 17 8
  • nuvols Tolosa 19 11
  • sol Valença 6

giny

giny

Vidèos

giny

giny

Blòcs

14/nov/2018

Hadiu


14/nov/2018

Hadiu


14/nov/2018

Hadiu


publicitat

lateral 2 teveoc

Entrevista

Es una militància que fa viure Aquò d’aquí

Michèu Neumuller Cap-redactor d'Aquò d'Aquí

Es una militància que fa viure <em>Aquò d’aquí</em>
publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • © Franc Bardòu

    País Bordalés

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Laurenç Revèst

    Fòrt Maginòt de Sant Anhe

  • © Laurenç Revèst

    Vista de Nimes, lengadociana per l'istòria, provençala per lo dialècte

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Estivada 2013. © Guillem Sevilla

    Estivada 2013

  • © Franc Bardòu

    Catalonha etèrna

  • A l'Avelhanet de Mirapeissés, a çò d'una amiga. © Franc Bardòu

    Concors de Nadal de Jornalet: Cossí se passan las Calendas en cò vòstre?

  • © Laurenç Revèst

    Val de la Tiniá

  • Ciutat de Draoníer. © Cristòu Daurore

    Ciutat de Draoníer (Val Maira)

  • Estivada 2013. © Guillem Sevilla

    Estivada 2013

  • © Laurenç Revèst

    A Gavotina marítima: O Castelar vielh, e faishe sota A Pena e vista de Sant Bernat de Castelar

  • Auets nheuadi. © Xavi Gutiérrez Riu

    Prumèra nheuada dera sason ena Val d'Aran

  • L'occitan per carrièras (concors de prima 2014)

  • Irissa: prumèra edicion dera corsa populara de BTT

  • Estacion de trens de Limós (Rasés) - Senhalizacion en occitan. © Terric Lausa

    Estacion de trens de Limós (Rasés) - Senhalizacion en occitan

  • © Franc Bardòu

    Asuèlhs de Lauragués

  • Fèsta occitana a Barcelona, a l'ocasion del cinquen anniversari de Jornalet

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

giny

Las mai...

publicitat

LATERAL 1-2: IEA-AALO

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)