Bandièra01 1180x150: Comuna de Tolosa

Actualitats

Un Monde XIII: Qual serà campion?

A la Copa del Monde, lo trofèu ofèrt per l’esperasanés Paul Barrière, de causir s’anirà tornar a Auckland o se prendrà pel desen còp lo camin de Sydney! Decision aqueste dissabte de vèspre al tèrme d’una partida que s’imagina dantesca sus la pelena d’Old Trafford entre australians e neozelandeses.
 
Malaisit de faire un pronostic que los melhors jogaires de la planeta tretzista seràn jols uèlhs dels 70 000 espectators.
 
Una granda part de la conclusion de l’afrontament se farà amb la melhora direccion de jòc que seràn capables de balhar los mièges, siá Jonhson-Foran d’un costat, siá Cronk-Thurston de l’autre. Los paquets d’avants son balèses-balèses dels dos costats. Sonny Bill Williams, designat melhor jogaire tretzista de l’an, demòra totjorn en capacitat de faire la diferéncia sus una o doas accions de tria. Se sap pas, a l’ora ont escrivèm aquestas linhas, se lo Billy Slater reïntegrarà la plaça d’arrièr cò dels australians, mas Greg Inglis lo remplacèt de primièra a Wembley. L’afrontament entre los alièrs e las linhas de tres quarts valdrà lo còp, entre doas cordeladas de caçaires d’ensags: Jarrayd Haine (Austràlia) a marcat ja 9 ensags, Roger Tuivasa-Sheck (NZ) 8 e Brett Morris (Austràlia) 7!
 
Aquesta finala serà la vertadièra apoteòsi de la competicion. Alara, s’avètz pas vòstra bilheta per l’estadi bèl de Manchester, aqueste dissabte una sola solucion: la television, a 3 e mièja del vèspre, sus BeIn Sport 2 (redifusion a dètz oras de la nuèit sus BeIn Sport1)! Auretz de bavarilhas pels uèlhs!
 
 
Rebombs de pauma
 
- Tornarai. Greg Bird, lo segonda linha australian, a dit als responsables dels Dracs que comptava plan tornar a Perpinhan a la fin de son contracte amb la Gold Coast (NRL). Es a dire dins... quatre ans!
 
- Vestits. Dins lor botiga de Brutus, aqueste dissabte, los Dracs presentan la colleccion 2014 dels vestits del club: malhòts, vèstas, casquetas...
 



Alan Roch

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Joan-Marc LECLERCQ
1.

Jogarí meilèu sus Australia, mès sus un encontre, podèm pas díser gran causa a l'avança ...

  • 1
  • 0

Escriu un comentari sus aqueste article