Bandièra01 1180x150: Comuna de Tolosa

Actualitats

“Breizhit”, lo breton es divertissent!

| Breizhit
En Bretanha avèm l’astre d’aver una entrepresa especializada dins los jòcs de societat consagrats a Bretanha. Es Grégory Bordier, un jove jogaire escalfat, qu’a creat aqueles jòcs. Lo novèl jòc de Grégory es tot en breton. Una mena de Trivial Pursuit mas mai ludic, amb de fòtos e de cartas postalas ancianas. Los jogaires poiràn mimar e far de charradas. “L’objectiu es de mostrar que la lenga bretona es ludica tanben! Pels mainatges, es la lenga de l’escòla la màger part del temps. Amb Breizhit volèm balhar l’ocasion al mond de jogar amb la familha. Amb los mainatges que son dins una escòla Diwan per exemple, e amb la menina que parla breton dempuèi totjorn. “Lo breton es divertissent tanben!” segon Grégory Bordier.
 
E per aqueles que parlan pas lo breton i a un libret amb las questions e las responsas en francés. Benlèu una version en occitan un jorn?




Fabien Lecuyer

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gèli Grande Lairac en Agenés
1.

"E per aqueles que parlan pas lo breton i a un libret amb las questions e las responsas en francés. Benlèu una version en occitan un jorn?"

E caldria rapelar al Sénher Gregory Bordier que per son nom d'ostal es un pauc d'origina occitana e nos podria ajudar per quicòm que mostraria que nos podèm divertir tot parièr amb l'occitan e Occitània.

  • 1
  • 0

Escriu un comentari sus aqueste article