Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcAlbigésCastrés

Los dos primièrs soldats de l’armada francesa mòrts en Centreafrica èran de Castras

Lo monument de Castras dedicat als mòrts per França, o a causa d’ela, aurà dos noms de mai. Los dos primièrs mòrts de l’armada francesa en la Republica Centreafricana son los castreses Antoine Le Quinio e Nicolas Vokaer, de 22 e 23 ans, que moriguèron “en combat” dins la nuèch de diluns a dimars, a Bangui, la capitala centreafricana.


“Dos soldats de l’ochen regiment de paracasudistas d’infantariá de marina de Castras moriguèron en combat la nuèch passada a Bangui”, çò raportèt l’Elisi. “Lo cap de l’estat mòstra son respècte mai prigond pel sacrifici d’aquestes dos soldats e renovèla sa fisança plena a las fòrças francesas engatjadas, amassa amb las fòrças africanas, que son a restablir la seguretat dins la Republica Centreafricana, a protegir la populacion e a garentir l’accès a l’ajuda umanitària”, çò apondèt la presidéncia francesa.
 
Lo president de França, François Hollande, vesitèt Centreafrica dimars passat, en tornar de Sud-Africa, per “saludar e encoratjar” son armada. Acompanhat del ministre francés dels afars exteriors, Laurent Fabius, Hollande arribèt a l’aeropòrt de Bangui, ont i a la basa principala de l’armada francesa, mentre que reveniá de la ceremònia d’omenatge a l’èx-president sud-african Nelson Mandela.
 
“La mission es necessària se volèm evitar que se produga un massacre”, çò diguèt Hollande quand arribèt, e diguèt qualques mots de dòl pels dos soldats mòrts.
 
“Los afrontaments an pres una dimension religiosa amb risc de guèrra civila”, çò apondèt Hollande, en justificant la preséncia de son armada dins l’èx-colònia francesa.
 
L’armada francesa a desplegat, dempuèi dijòus passat, 1600 soldats, mai que mai a Bangui e al nòrd-oèst del país, “per restablir la seguretat”. I son amassa amb los 2500 soldats de l’Union Africana.
 
La crisi dins lo país african se precipitèt precisament dijòus passat, segon qualques mèdias, amb d’afrontaments a Bangui. Segon divèrsas fonts, serián mòrtas qualques 400 personas en seguida d’un atac de partisans de Bozizé, contestat per de combatents de la Seleka. Segon d’activistas dels dreches umans, las doas partidas aurián comés de crimes de guèrra.
 
En març passat, la Seleka arribèt al poder après un còp d’estat contra lo president François Bozizé. La Seleka (“aliança” en lenga sango), oficialament nomenada Séléka CPSK-CPJP-UFDR, es un agropament de milícias amassadas per reversar lo govèrn del país. Sos membres son musulmans dins un país de majoritat crestiana.
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lutz
5.

«La crisi dins lo país african se precipitèt precisament dijòus passat, segon qualques mèdias, amb d’afrontaments a Bangui.» + «L’armada francesa a desplegat, dempuèi dijòus passat, 1600 soldats» >> macarèl, quina reaccion rapida ! :D (de qué fasian sus plaça ?)

  • 0
  • 0
Pas cas
4.

Degun sap per respòndre a #1 ?
Ieu sabi pas cap...

  • 0
  • 0
Oûtís Ithaca
3.

Quand le néo colonialisme se pare des atours des droits de l'Homme et de l'humanitaire. C'est si beau!
En voilà deux qui sont morts pour une juste cause.

  • 3
  • 3
Sordatesc
2.

I a d'autres regiments mobilizats ailí o i son que los del regiment de Castras ?

  • 2
  • 0

Escriu un comentari sus aqueste article