Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Lo govèrn d’Aran demanda a Movistar de trabalhar per resòlver las mancanças de telefonia mobila

Lo Bas Aran demorèt sens servici tota la dimenjada passada a partir de divendres

| Pere Igor
Indignacion en Aran pel marrit servici de l’entrepresa de telefonia mobila Movistar, que daissèt los usatgièrs del Bas Aran sens servici tota la dimenjada passada a partir de divendres.
 
Lo Conselh General d’Aran a demandat a la Generalitat de Catalonha de sollicitar d’urgéncia l’entrepresa responsabla, per tal que comence las òbras en las infrastructuras o esquipaments necessaris e per fin qu’aquò se passe pas mai.
 
“Non ei primèr còp que succedís”, çò explicava lo conselhièr de l’entrepresa e del trabalh del govèrn aranés, Eduardo Valdecantos. “En situacions de fòrça mau temps podem sénter bèra petita mancança en servici, mès causes coma es que vien succedint en Miei e Baish Aran des de ja hè temps per çò que tanh ara cobertura mobila e bèth còp fixa, non son acceptables en sègle XXI en un país coma Aran”, çò apondèt Valdecantos. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article