Actualitats
Los professionals del sector equèstre de Peiregòrd protèstan contra “l’equitaxa”
An mes d’urina e de fems de caval en cò dels deputats de Dordonha per protestar contra l’auça anonciada de la TVA cavalina
Los professionals peiregòrds del sector equèstre an mes d’urina e de fems de caval dins los burèus e las permanéncias dels deputats del departament de Dordonha, a Peireguers, Brageirac e Sarlat, per protestar contra l’auça anonciada de la TVA cavalina, que nomenan “equitaxa”, segon d’informacions de Sud-Ouest.
De fach, en novembre passat avián ja manifestat davant la prefectura, mas sembla que lors revendicacions, òm las a pas escotadas.
“Lo govèrn nos pren per de las vachas dau lach. Quò deu cessar”, çò declarèron davant la permanéncia de Pascal Deguilhem a Peireguers. “Volèm que los deputats seguischan una logica de terren e non pas lo suicidi politicament assistit de nòstra filiera”, çò declarava un representant dels cavalcaires peiregòrds.
Uèi, los deputats se deurián interessar a la question a l’Assemblada estatala a París. “Quand i a una politica governamentala febla, chau que los deputats reagischan”, çò an declarat los manifestants peiregòrds.
Los manifestants foguèron recebuts pels estacats parlamentaris perque los deputats visats èran absents.
De fach, en novembre passat avián ja manifestat davant la prefectura, mas sembla que lors revendicacions, òm las a pas escotadas.
“Lo govèrn nos pren per de las vachas dau lach. Quò deu cessar”, çò declarèron davant la permanéncia de Pascal Deguilhem a Peireguers. “Volèm que los deputats seguischan una logica de terren e non pas lo suicidi politicament assistit de nòstra filiera”, çò declarava un representant dels cavalcaires peiregòrds.
Uèi, los deputats se deurián interessar a la question a l’Assemblada estatala a París. “Quand i a una politica governamentala febla, chau que los deputats reagischan”, çò an declarat los manifestants peiregòrds.
Los manifestants foguèron recebuts pels estacats parlamentaris perque los deputats visats èran absents.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari