Bandièra01 1180x150: Comuna de Tolosa

Actualitats

crotz-tolosaCreated with Sketch.Lengadòc

Per entamenar 2014 en Aude

Danièl Lhomond dirà sos Contes trufats lo dissabte 25 de genièr a Puègnautièr
Danièl Lhomond dirà sos Contes trufats lo dissabte 25 de genièr a Puègnautièr
2014 s’atacarà d’un bon pè occitan en país d’Aude. Los Reis se festejaràn del costat de Carcassés tre lo divendres 3 de genièr a l’Ostal Sirventés (Carcassona) e del costat de Narbonés, lo dissabte 11 a Sant Andrieu de Ròcalonga (ont lo Grop Occitan de Fabresan jogarà sa pèça Tornarem al País).
 
Las Mediatècas de Carcassona-Aglomeracion organizan una mesada Occitània en Avans! amb de mòstras, de lecturas, de contes e una taula redonda lo dissabte 18 de genièr: “De qué parlar occitan vòl dire?”
 
Du Bartàs balharà un concèrt lo divendres 24 a Carcassona (Sala del Capèl Roge, 20h45) dins una serada ont Artús intervendrà dins la primièra part.
 
L’IEO Aude organiza las Ivernalas de Cabardés amb un Estanquet a Argon (dimars 22, 18h30) que reçauprà lo director del CIRDÒC, lo Benjamin Assié, per parlar del patrimòni immaterial occitan; lo dimècres 22, a Puègnautièr (18h30), pèça pel jove public Es un cicne/signe!, inspirada del conte del marrit pichon tiron d’Andersen; lo dissabte 25, a Puègnautièr (19 h), los Contes Trufats de Danièl Lhomond seràn seguits d’una serada amicala amb los vins de Cabardés e lo Picpol de Pinet (serada per reservacion: ieo11@ieo...).
 
L’endeman, dimenge 26, las Ampelofoliás de Cabardés celebraràn la trufa negra e lo vin, amb per acompanhament musical la Fanfara dels Golamasses. Aquel dimenge tanben, se dobrirà a Limós l’edicion de 2014 del mai long Carnaval del Monde!
 
Lo divendres 31, Anna Réby dobrirà una tièra de 3 conferéncias sus l’istòria de l’art occitan a l’Ostal Sirventés (18h30). E febrièr serà ja aquí amb A fum Cap a l’Òc! a Ferrals (La mirgueta de la montanha; Soritat), amb circ e Mal Cofada, lo Carnaval de Carcassona, puèi vendrà març amb Fasètz la Lenga en Cabardés, puèi... Per mai d’entresenhas: ieo11@ieo...; occitan-aude.over-blog.com.
 
 
 
 
IEO Aude

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pèire Cardenal Jr. Velai
1.

Sei content de veire que l'IEO Aude es fòrça dinamic. Mas comprene pas la mitat d'aquestes anoncis, qu'an un estil de redaccion un pauc confús.

  • 0
  • 0

Escriu un comentari sus aqueste article