Mercés al prètzfach de Francu de Fabiis, professor, autor e expèrt en lenga sarda, se presentèt a la fin de 2013 una revision de la Carta de logu istòriga e linguìstiga de Sardìnnia, una carta toponimica, istorica e lingüistica de l’illa de Sardenha escricha integralament en sarde. Es la primièra amb aquelas caracteristicas e se pòt descargar liurament dels sits Emigrati Sardi e il Minuto.
 
Al delà de la mapa en se, i a fòrça informacions sus la toponimia istorica sarda e las demarcacions tradicionalas d’aquel territòri, que compren tanben d’enclavas lingüisticas coma la catalana de L’Alguer e la tabarquina (genoesa, ligura) de las illas de San Pietro e Sant’Antioco, al sud-èst de Sardenha.