CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Dijòus, 23 de mai

Actualitats

Dimenge, 27 de mai de 2012, 07h00 Espòrt

La seleccion occitana de fotbòl viatja en Curdistan per jogar la Viva World Cup


Comentaris 4 comentaris    
Marrit Flac Bon Plan bon Fabulós (5 vòtes)
carregant En cargar


Occitània es pas un estat independent, alavetz pòt pas jogar las competicions internacionalas oficialas ni participar als Jòcs Olimpics. Mas aquò vòl pas dire que lo país nòstre jògue pas de campionats internacionals ni que quite de competir esportivament amb d'autras nacions. Es exactament aquò çò que farà dins l'encastre de la Viva World Cup de fotbòl, qu'amassa las nacions sens estat del mond, que se debanarà al Curdistan iraquian entre lo 4 e lo 9 de junh. A l’edicion precedenta, que se joguèc en Malta en 2010, la seleccion occitana capitèt la tresena posicion.


En total, nòu seleccions participaràn a aquel campionat. Al delà de la seleccion occitana e de la seleccion curda, i jogaràn tanben las equipas de Zanzibar, Sahara Occidental, Tamil Eelam,  Darfur, Chipre del Nòrd, Rètia e, curiosament, una seleccion de Provença que jògue al marge de la seleccion nacionala occitana. Las partidas se jogaràn cada ser, per ensajar de minimizar la fòrta calor del país, e seràn emesas en dirècte per la television curda. 
 
Pel seleccionaire e entraïnaire d’Occitània, Deidièr Amiel, lo campionat “es lo moment mai important de l’annada”, e es per aquò qu'a preparat l’equipa a consciéncia pendent los darrièrs meses. Amiel es realista e se fixa pas d'objectius maximals perque es conscient que “las autras còlas son formadas amb jogaires professionals e an de mejans incomparables amb nautres”, per çò que pòt solament prometre que la seleccion occitana ensajarà d'“anar lo pus luenh possible”. Ça que la, lo seleccionaire met en evidéncia que, dins l'avenidor, “per nòstra credibilitat nos cal ganhar un torneg màger”.
 
Cal dire que lo desplegament internacional de la seleccion occitana es ambiciós. Al total, 20 jogaires provenentes de divèrsas equipas occitanas defendràn las colors de la crotz amb l'estela. Aqueles jogaires auràn amb lo sosten del personal tecnic, dirigit pel president de l’associacion Nicolau Desachy e lo seleccionaire e entraïnaire nacional Deidièr Amiel. L’equipa comptarà tanben amb la preséncia d’un mètge e d'un arbitre occitan. Cal dire que, pel primièr còp, qualques mèdias franceses, coma France 3 e Canal +, acompanharàn la seleccion occitana en Curdistan. Al delà de las partidas, pendent la Viva World Cup se debanarà tanplan un festenal cultural amb la participacion de totas las culturas nacionalas participantas. 
 
E après la Viva World Cup, la seleccion occitana poirà pas encara partir en vacanças. Entre lo 16 e lo 24 de junh òm los espèra en Alemanha per disputar l’Europeada, lo campionat reservat a las minoritats lingüisticas europèas. Un vintenat d’equipas seràn en competicion dins aquel torneg per ensajar de ganhar un títol que l’an 2008 foguèt conquistat per Sud Tiròl.


 



publicitat
BANER1-2-3: DGPL AN LAFONT



Comentaris

27 de mai 23.52h

Per far una comparason, 2 mapas que trapèri a la lèsta sul net :

http://www.pari-et-gagne.com/ligue1.php
http://en.wikipedia.org/wiki/Rugby_union_in_France

Question : i a una relacion entre la practica massissa e populara d'un espòrt e la preséncia d'una còla de naut nivèl dins lo rodol ?
Tant a Tolon coma a Bordèu, se i avia pas un gus per metre de moneda e se crompar de mercenaris, qual seria lor nivèl respectiu amb de jogaires de l'encontrada ?


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

27 de mai 22.24h

#1 Loïson, sabes que te prèsi. Mai as ren comprés a çò que se passa en Provença. As una vision essencialista e fantasiosa de la cultura qu'es completament desconnectada de la realitat. Te ramenti que lo rugbi es fòrt en Provença amb lo grand club de Tolon (rugbi de XV) e lei clubs nombrós de la Vau de Ròse (rugbi de XIII). E tanben lo fotbòl es fòrt en Gasconha amb lei Girondins de Bordèu. Ven sejornar un pauc en Provença e veiràs que i a fòrça ponchs comuns amb la cultura de G... Legir mai


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

27 de mai 11.29h

M'explicas lo rapòrt entre fotbòl e fascisme ?! E enter Provença e fascisme ?!!
La seleccion provençala es una equipa de "kekes", qui se fotan pas mau de la lenga o deu pais. Cau pas resumir 15 o 20 òmi a un parçan.


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

27 de mai 09.42h

Soi pas estonat per la preséncia d'ua delegacion provençau. Lo futbòl qu'ei un espòrt sustot popular en çò deus occitans de la còsta orientau. Qu'ei ua cultura radicaument diferenta de la nòsta, gascons e assimilats, qui prefereishen lo rugbí.Que sufeish de véder lo succès deus candidats fachistas per aqueras tèrras de la còsta mediterranenca...Que hèn pòur.


Valoriza aqueste comentari:   votar positiu 0   votar negatiu 15
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Per un jornal participatiu, viu e civilizat

Quand discutissèm amb qualqu’un, emplegam quicòm mai que de paraulas. Las expressions de la cara e los gèstes son fòrça importants per comunicar. Quand parlam al ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

“Avèm un molon de sorires que revenon a cada eveniment”

Rafèu Radreau Carnsaladièr e organizaire d'eveniments culturals a Peirafuec (Nauta Val de Var)

“Avèm un molon de sorires que revenon a cada eveniment”
publicitat

LATERAL1 300X250: sapiéncia



publicitat

lateral 2 teveoc

Fotografias

  • © Franc Bardòu

    Asuèlhs Bigordans

  • © Franc Bardòu

    Catalonha etèrna

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • Castelar

  • © Aure Séguier

    Carnaval Biarnés 2017

  • © Giròni Frare

    L'occitan per carrièras (concors de prima 2014)

  • © Franc Bardòu

    Tèrra albigesa

  • © Franc Bardòu

    Asuèlhs Bigordans

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Val d'Aran, cap de Gasconha

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Aure Séguier

    Carnaval Biarnés 2017

  • Omenatge a Aragon. © Franc Bardòu

    Omenatge a Aragon

  • Las Tilhòlas. Baiona (Baish Ador)  © Vincenç

    L'occitan per carrièras (concors de prima 2014)

  • País de Rasés. © Franc Bardòu

    País de Rasés

  • Tota la còla. © Laurenç Revèst

    Remembres de Vaquí, emission en la Vau Clusa, novembre de 2005

  • © Franc Bardòu

    Tèrra albigesa

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • © Aure Séguier

    Carnaval Biarnés 2017

giny

Las mai...

publicitat

LATERAL1 300X250: radio pais

giny

Sondatge

Escrives normalament de comentaris dels articles que publica Jornalet?


10%



27%



9%



22%



33%




Vots 116 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)