CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 20 d'agost

Actualitats

Dimècres, 15 de genièr de 2014, 03h00 Societat,Politica,Internacional

Lemosin > Lemosin > País de la Vinhana

L’estat alemand a tornat dobrir l’enquèsta sul masèl d’Orador de Glana

Es la darrièra escasença que de participants d’aquela matança respondan davant la justícia


Comentaris 9 comentaris    
Marrit Flac Bon Plan bon Fabulós (5 vòtes)
carregant En cargar


Alemanha a tornat dobrir una enquèsta sul masèl d’Orador de Glana (País de Vinhana), un dels capítols mai escurs de la Segonda Guèrra Mondiala, qu’en junh nos remembrarem de son 70n anniversari. Lo 10 de junh de 1944, dins lo meteis jorn, de soldats nazis tuèron 642 oradonauds en los fusilhant o en los cremant vius. Aperaquí 400 èran de femnas e d’enfants.


Lo ministèri public de Dortmund presentèt de cargas penalas contra Werner C., un fustièr retirat, per sa presumida participacion al masèl dels 642 civils occitans. Werner, qu’a l’epòca aviá 19 ans, a reconegut qu’èra dins aquel vilatge, mas qu’el èra encargat de susvelhar los veïculs dels borrèls. Per contra, los procuraires creson que participèt dirèctament al fusilhament de 25 òmes e que collaborèt a l’assassinat de centenats de femnas e d’enfants. Las autoritats alemandas l’an mes en examen, amb cinc autres camaradas sieus, e un seisen que demòra en Àustria. Los suspèctes an aperaquí 90 ans.
 
Lo procuraire de Dortmund (Alemanha), Andreas Brendel, afirma que Werner C. tirèt amb son fusilh, el e 14 autres soldats, dins una cava ont assassinèron 25 òmes desarmats. Brendel remembrèt que cap de veteran de la Segonda Guèrra Mondiala “a jamai reconegut” de crimes, “totes dison que tirèron pas un sol cop de fuòc”. De son costat, Werner C. assegura que tirèt pas, e que quitament salvèt la vida de doas femnas que tornavan del bòsc just abans lo chaple. Segon çò que l’èx-SS diguèt en una entrevista al jornal alemand  Bild Zeitung, quand aquelas doas femnas “se sarravan, las cridèri que s’escapèsson tornarmai al bòsc, e elas o faguèron”.
 
Lo ministèri public acusa l’ancian d’aver fusilhat 25 òmes e d’aver collaborat a gasar los civils embarrats dins la glèisa, en susvelhant los entorns per tirar contra los eventuals fugitius, e en transportant de material enflamable per cremar la bastissa.
 
Lo masèl d’Orador es un dels mai crusèls de la Segonda Guèrra Mondiala. Los aliats avián ja desbarcat en Normandia e la segonda division blindada de la Waffen-SS comencèt dee se retirar cap al nòrd-oèst de França. Avián l’òrdre d’utilizar de represalhas contra la populacion civila. Lo 9 de junh de 1944, los soldats comandats pel general Heinz Lammerding pengèron 99 civils a Tula. L’endeman, 120 òmes del regiment conegut coma Der Führer entornegèron Orador de Glana, a qualques 30 quilomètres al nòrd-oèst de Lemòtges, per i menar a tèrme un massacre exemplar.
 
Lo comandant Adolf Diekmann organizèt lo masèl: totes los abitants se deguèron acampar dins la plaça del mercat, ont los soldats alemands segreguèron los òmes de las femnas. Menèron los òmes a quatre granièrs locals, los fusilhèron en grop amb de mitralhetas en los acabant un per un amb de còps de pistolet. Las femnas e los enfants foguèron menats dins la glèisa, los embarrèron dedins e i lancèron una bomba de gas toxic. Quand vegèron qu’èra pas pro, fusilhèron, lancèron de granadas de man per las fenèstras e incendièron la bastissa.
 
Marguerite Rouffanche foguèt la sola subreviventa de las 240 femnas e los 213 enfants embarrats dins la glèisa. Los soldats tirèron contra ela quand fugissiá per una fenèstra e la creguèron mòrta. E mai se la toquèron amb cinc balas, subrevisquèt.
 
En 1953 un tribunal de Bordèu condemnèt 21 òmes, mas passèron solament un an en preson. Un d’eles, l’oficièr Heinz Barth, lo condemnèron tornarmai en 1983 en la Republica Democratica Alemanda. Sortiguèt de la preson en 1997 per sa marrida santat e moriguèt dètz ans puèi a 87 ans. Aqueste còp es la darrièra escasença que de participants al masèl d’Orador respondan davant la justícia.
 
A l’ora d’ara lo vilatge lemosin se consèrva exactament coma demorèt après lo chaple per que servisca a l’encòp de santuari consagrat als mòrts e de remembre de la barbariá del nazisme.



publicitat
BANER1-2-3: DGPL DICTADES



Comentaris

15 de genièr 23.28h

#8 Es vertat. Tot l'interés dels trabalhs de Timothy Snyder es de demostrar que l'interpretacion dels chaples jol angle unenc de la Shoah empacha de considerar la perspectiva mai larga de la politica nazia, qu'èra l'aneantiment d'aquelas nacions eslavas d'Euròpa de l'Èst. Los Josieus i èran exterminats atanben coma compausantas d'aquelas nacions.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

15 de genièr 21.38h

#6 Justament, lo monde tuats peus Einsatzgruppen son pas sonques Jusius, i a tanben Eslaus. Es una error de pensar que los Einsatzgruppen "s'aucupavan" sonque deus Jusius. Los Eslaus tanben èran sus la lista deus "Untermenschen", sia deus jos-òmis, aquò se desbromba sovent.
La mission deus Einsatzgruppen oficiaument a la debuta èra de protegir las tropas a l'endarrèr contra los partisans en prénguer ostatges dens la populacion se calèva.
Stalin a demandat a l'armada de hèr arrèrpè e a... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

15 de genièr 20.22h

#6 Òc, es aquò. Per exemple, per la Lituania sola, s'estima que l'EK 3 chaplèt 700 000 personas de Junh a Decembre 1941. L'estimacion de 1 500 000 victimas es pels Josieus sols, pr'aquò lo chaple toquèt d'altras populacions e en Ucraïna se practicava l'aneantiment de vilatges e de vilas tots. Es aquel metòde qu'apliquèron a Orador.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

15 de genièr 20.09h

#5

En Garric parlava del nombre d'assassinats pels Einsatzgruppen. Mas aquestas sinistras estimacions varian. D'aqui los 2 milions. Lo Memorial de la Shoah n'estima las victimas a 1,5 milions

http://www.enseigner-histoire-shoah.org/outils-et-ressources/fiches-thematiques/les-grandes-etapes-de-la-shoah-1939-1945/les-einsatzgruppen.html


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

15 de genièr 19.11h

#4
Suu front de l'Est, son pas dus milions de personas civilas que son mòrtas atau mès haut o baish vint. Segon las estaticticas, 20 milions de sovietics son mòrts, a còps los militars i son incluits (7 milions) a còps n'i son pas. Doncas entre 20 e 13 milions de civius sovietics.
D'on veng aquesta chifra de 2 milions, que soi curiós sus l'Istòria.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

15 de genièr 16.44h

Sabi pas s'Orador es un dels mai crudèls de la Seconda Guèrra mondiala. Es plan çaquelà de se decentrar e de se recordar que son dos milions de personas que foguèron chaplats aital en Euròpa de l'Èst per los Einsatzgruppen. Orador es un esperlongament d'aqueles chaples, que los SS i apliquèron sos metòdes de Lituania, de Polònha e d'Ucraïna. Fa de Lemosin una tèrra de sang, segon la definicion de Timothy Snyder dins son libre essencial.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

15 de genièr 08.33h

Lo problèma, qu'explica l'indulgéncia dau tribunau de Bordèus, sens l'excusar, es qu'entre los SS l'i avia d'Alsacians, que s'es jamai tròp cercat de saber s'èran vertadierament de "malgré nous" o de volontaris, e que quand son estats meses en accusacion, l'i a agut de movements d'opinon vigoroses en Alsàcia. A aqueu moment (1953) la repression de la collaboracion èra acabaa (e d'ex-collabo èran jà surtits de preson, dau temps que d'ex-petainistas èran au govèrn, coma Pinay). E Fran... Legir mai


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

15 de genièr 08.31h

Adishatz,
Vos convidi de léser mon article deu 10 de seteme de 2013 sus l'afar. Parli de las doas versions.

Dens aqueste article de uei, vesi una frasa de tornar precizar: "Avián l’òrdre d’utilizar de represalhas contra la populacion civila." Avèvan l'ordi d'utilizar represalhas, solide, mès represalhas se hèn après un acte de "susmauta contra las fòrças militaras d'aucupacion" e non pas a l'azard pr'amor que los Alemands son un pòble crudèu. An pas james recebut lo mandament d... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

15 de genièr 08.16h

I a dos afars d'Orador:

- L' orror del chaple
- L'escandal de l'impunitat. Las paucas condamnacions son de miquetas de pan lançats a la cara de la memòria de las victimas. Perqué l' estat francés a fait pròva de tant pauc de diligéncia e d'energia per trapar e jutjar los borrèls? Segurament es estat tròp ocupat a far a se gaitar l' embonilh.


Valoriza aqueste comentari:   votar positiu 6   votar negatiu 3
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

Mn. Condò siguec hilh dera Renaishença Catalana

Jusèp Amiell prèire e escrivan aranés

Mn. Condò siguec hilh dera Renaishença Catalana
giny

giny

publicitat

lateral 2 teveoc

Fotografias

  • © Laurenç Revèst

    Castelar

  • © Laurenç Revèst

    Fòrt Maginòt de Sant Anhe

  • © Margaria Pepin

    Adobament dal Grand Prèmi de Mónegue de 2014

  • Xavi Gutiérrez Riu

    Eth referendum d'independéncia en Aran

  • Briga (val de Ròia)

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • Exposicion temporària sus Robèrt Lafont al CIRDOC (D.R.)

  • © Laurenç Revèst

    Menton, 'a vivaroalpenca maritima

  • © Zep Armentano

    Era Mongetada (Val d'Aran 28-29 d'octobre 2017)

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Zep Armentano

    25au Corsa Aran per sa Lengua

  • Niça vièlha en occitan niçard. © LR

    Niça vièlha en occitan niçard

  • Occitan e economia: "occitanitat mai o mens visibla"

  • Gavotina marítima: trofèu d'August e vila vielha d'A Torbia

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Gavotina marítima: trofèu d'August e vila vielha d'A Torbia

  • © Magalí Barceló

    Santa Gabèla: quatrena fèsta del fogal rural La Gabèla

  • © Franc Bardòu

    Tèrra albigesa

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • La Korrika, la corsa per la lenga basca es arribada a Tolosa

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


42%



42%



16%



0%




Vots 69 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)