CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 17 de setembre

Actualitats

Dimars, 14 de genièr de 2014, 03h00 Societat,Politica

Gasconha > Val d'Aran

Val d’Aran: laveg de vòtes per l’independéncia de Catalonha

La campanha “signa un vòte per l’independéncia” es estada una reüssida segon l’ANC


Comentaris 3 comentaris    
Marrit Flac Bon Plan bon Fabulós (6 vòtes)
carregant En cargar


L’Assemblada Nacionala Catalana (ANC) a pausat mai de 700 taulièrs pertot en Catalonha e Aran, dins l’encastre de la campanha “Signa un vòte per l’independéncia”. Mai de 3000 apoderats e fòrça mai de volontaris an acampat de signaturas de ciutadans, amb lors noms, adreiças e numèros de carta d’identitat, que demandan al Parlament de Catalonha e Aran de declarar l’independéncia de faiçon unilaterala, en acòrdi amb lo drech internacional.
 
 
Reüssida en Aran
 
L’ANC Val d’Aran pausèt son taulièr sus la plaça de Vielha aquesta dimenjada passada (fòtos). Las signaturas de demandas foguèron fòrça mai nombrosas que çò que se demorava. “Dissabte ja auíem acabat es paperetes e mos calèc anar a cercar-ne en Palhars”, çò diguèt a Jornalet Mireia Boya, presidenta de l’ANC Val d’Aran.
 
Mas los bulletins de vòte qu’anèron quèrre en Palhars èran pas pus en occitan mas en catalan. “I auec molti aranesi que s’estimèren mès demorar entà poder votar en aranés”, çò apondiá Boya, que remembrèt qu’“ena Marcha Beret que ven ja ac poderam hèr ena nòsta lengua”, en referéncia a l’eveniment esportiu que començarà lo 2 de febrièr que ven en Aran, ont l’ANC Val d’Aran serà tanben presenta per acampar mai de signaturas.
 
Los occitans non araneses que vòlgan signar, o pòdon far s’an mai de 16 ans, en se desplaçant en febrièr fins a la Val d’Aran o en contactant l’ANC Val d’Aran.
 
 
Un plan B al referendum
 
Aquela accion es un dels cinc projèctes mai importants de l’ANC per l’an 2014. “Es un plan B en cas que la consulta se pòsca pas far”, çò diguèt a VilaWeb la coordenaira de l’ANC, Rosa Alentorn.
 
Lo document que lo mond an signat reclama als politicians “de far tot çò que poiràn, d’agotar totas las vias per far lo vòte”, e en cas que se pòsca pas far, de considerar cada demanda signada “coma se foguèsse un vòte per declarar l’independéncia”, en acòrdi amb lo drech internacional de peticion.
 
France 3 a fach un reportatge sus la collècta de demandas a Perpinhan.



publicitat
BANER1-2-3: DGPL TRADUCTOR



Comentaris

14 de genièr 17.37h

#2 Vòl dire "avalanca". Al 'petit diccionari castelhan-aranés-catalan-francés', Frederic Vergés raporta las formas aranesas: laueg, lavet, lavet, lits, litsa. E encara eslur e eslurràs, fòra de Val d'Aran.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

14 de genièr 16.16h

De que vòu dire aquò "laveg" ? Fòrça ? Molon ?


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

14 de genièr 14.57h

Si bolégan lu Aranés, fan melhor que nautres en particular en País niçard !


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 19
  • sol Aush 19
  • sol Bordèu 20
  • sol Briançon 16
  • sol Caors 18
  • sol Carcassona 18
  • sol Clarmont-Ferrand 15
  • sol Confolent 18
  • sol Gap 13
  • sol La Canau 20
  • sol La Gàrdia 19
  • sol Limòtges 21
  • sol Lo Borg Sant Dalmatz 16
  • sol Lo Puèi de Velai 16
  • sol Marselha 18
  • sol Montpelhièr 18
  • sol Naut Aran 17
  • sol Niça 19
  • sol Nimes 18
  • sol Pau 19
  • sol Peireguers 19
  • sol Rodés 19
  • sol Tolon 20
  • sol Tolosa 19
  • sol Valença 19

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Fòrt Maginòt de Sant Anhe

  • A Gavotina marítima: Recabruna Cab Martin, a vila vielha e o castèl dau sécolo X

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Ostal Sirventés (Lengadòc)

    Concors de preseps de Jornalet 2016

  • Exposicion temporària sus Robèrt Lafont al CIRDOC (D.R.)

  • Auchan. © Remèsi Firmin

    L'occitan per carrièras (concors de prima 2014)

  • © Franc Bardòu

    Catalonha etèrna

  • © Miquèu Barís

    Los calandrons d'Auloron qu'an visitat Baiona

  • Gavotina marítima: trofèu d'August e vila vielha d'A Torbia

  • Arremassada de signatures pera independéncia. ANC Val d'Aran, Vielha 11-12 de gèr 2014

  • © Franc Bardòu

    Asuèlhs Bigordans

  • Musèu de Terra Mata, Niça, mai anciana traça de fuec au monde

  • Valadas. © Xavi Gutiérrez Riu

    Valadas

  • © Franc Bardòu

    Asuèlhs Bigordans

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Franc Bardòu

    Coserans al còr

  • Niça vièlha en occitan niçard. © LR

    Niça vièlha en occitan niçard

  • © Franc Bardòu

    Coserans al còr

  • © Aure Séguier

    Carnaval Biarnés 2017

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)