Bandièra01 1180x150: Comuna de Tolosa

Actualitats

Rugbi Pro D2. Lo Mont en Top 14

Lo Mont de Marsan 29-20 Pau

Quina ambiança a l'estadi Lescure de Bordèu! Los supportaires bearnés e landés èran numerós per la hèsta deu rugbi gascon. Qu'es per aquò qu'aimam las fasas finaus en rugbi per víver sensacions com ne'n avam podut víver uei a Bordèu.
 
Lo Mont de Marsan serà en Top 14 l'an qui vien. Sus la partida, jogada davant mei de 23 900 personas, la victòria es logica.
 
Lo Mont ganhèt aquera partida dens dus sectors importants: la mesclada e la disciplina. Pau se retrobèt dus còps a 14 contra 15. Lo montés prirent sonque un jaune. De biais generau, los montés emportèren la batalha de la conquista dab una dominacion de las bonas en mesclada.
 
Lo pichon mei d'envièja èra tanben deu costat landés e la pression deu costat bearnés; los verds e blancs èran darrèir au planchòt de la trenta quatau minuta dinc a la fin. L'ensai paulin a l'òra podot har esperar un cambiament mès l'indisciplina lor costot trop de punts. Las duas penalitats a detz minutas de la fin permetot aus suportaires landés de har petar la soa gaujor.
 
Tres ans apres la soa daverada Lo Mont torna a casa. Peus bearnés, partits de l'elita en 2006, cau adara enqüèra esparar au mensh una annada. Qu'es aquò la duror de l'espòrt.



Eric Goyhenne

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article