Bandièra01 1180x150: Comuna de Tolosa

Actualitats

Letònia. An fach una cadena umana per transportar de libres

Amb aquela accion se comencèt l’annada culturala europèa dins lo país baltic

| Mārtiņš Otto
Se debanèt dimenge passat a Riga (Letònia) una cadena umana per transportar los libres de l’anciana a la nòva bibliotèca. Amb aquela accion, que i participèron qualques 15 000 personas, se comencèt l’annada culturala europèa que prepausa de concèrts, de dança, de teatre e d’autras activitats culturalas.
 
La cadena umana foguèt un biais fòrça significatiu d’inaugurar l’annada culturala en tot ramentar la Via Baltica, la cadena umana que revendiquèt l’independéncia del país baltic, fa 25 ans.
 
Los participants se son donats los libres los unes als autres e aital an transportat totes los fonzes bibliografics de l’anciana a la nòva bibliotèca de Riga, una bastissa de 40 000 mètres cairats amb d’espaci per 1000 legeires, que pòt aculhir uèch milions de libres e de documents estampats. En arribar a la nòva bibliotèca, los libres se cataloguèron e se metèron en plaça.
 
Ongan Riga e Umeå (Suècia) an pres la succession de Košice (Eslovaquia) e de Marselha coma capitalas europèas de la cultura.



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gèli Grande Lairac en Agenés
1.

En 2013 a Marselha vila mai granda d'un pais occitan colonizat per França es estada capitala europenca de la cultura e la cultura occitana es estada ocultada.

En 2014 Riga capitala de la nacion letona independenta es capitala europenca de la cultura, podètz èsser segurs que la cultura letona i aurà sa plaça tota sa plaça .... 25 ans a lo rus auria manjada tota la plaça.

Un ESTAT : Es aquò que fa la diferéncia entre un pais colonizat e un pais independent .........

  • 8
  • 0

Escriu un comentari sus aqueste article