Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaBearnSeuvestre

Artics: vòlon expulsar la Calandreta de sos locals

Dimars se faguèt classa per carrièras, davant la comuna, per protestar

Los calandrons d’Artics (Bearn) faguèron classa per carrièras dimars passat, davant l’ostal de la comuna, per protestar contra la decision del prefècte d’expulsar l’escòla Calandreta de sos locals.
 
Lo cònsol d’Artics, Jean-Marie Bergeret-Tercq, recebèt una letra del prefècte que li exigissiá de respectar la lei Falloux, una lei de 1850 qu’enebís la mesa a disposicion de locals als establiments privats. E donc lo prefècte exigissiá d’expulsar la Calandreta dels locals municipals pr’amor qu’una Calandreta es un establiment privat.
 
La federacion departamentala de Calandreta considèra que “la situacion ei dificilament sostenabla peus parents, peus escolans e peus salariats, deishats hens l’incompreneson e l’incertitud quant au deviéner de la lor escòla”.
 
E mai se las Calandretas son d’escòlas privadas, dempuèi 1994 una convencion amb l’educacion estatala francesa lor reconeis lor vocacion especifica, en coexisténcia amb l’ensenhament de l’occitan dins l’ensenhament public. Es a aquel títol que l’estat francés pren en carga la retribucion dels regents de las Calandretas.
 
La protèsta de la Calandreta d’Artics a recebut la solidaritat del conselhièr regional del Partit Occitan, Dàvid Grosclaude, de Libertat e d’autres collectius. 


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Joan de Floreta Lo castèl de ta maire
2.

Prefècte, o missus dominicus de l'Empèri franc ?

  • 1
  • 0
Ernèst Guevara Jr. L'Avana
1.

aquò's plan, de protestar contra la decision del prefècte d’expulsar l’escòla Calandreta de sos locals, del temps que de deputats siá disent republicans discutisson per ratificar lo terç mai minimalista de la carta europèa de las lengas…

  • 2
  • 0

Escriu un comentari sus aqueste article