CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 15 de setembre

Actualitats

Dimenge, 26 de genièr de 2014, 03h00 Cultura

Lengadòc > Lengadòc Bas > Rasés

A Limós, Carnaval arriba!


Comentaris 2 comentaris    
Marrit Flac Bon Plan bon Fabulós (6 vòtes)
carregant En cargar


Aqueste dimenge 26 de genièr se tòrna dubrir le Carnaval de Limós. Aquesta fèsta, que cada annada dura dos mesis e mièg, es reputada èsser le Carnaval mès long del Monde. Ten per origina las manifestacions dels molinièrs del parçan que celebravan la remesa de lhors redevenças ja fa mès de quatres sègles.
 
La sason 2014 comptarà 26 sortidas. Cada dissabte e dimenge a 11h, 16h30 e 22h, cadun al sieu torn, las diferentas bandas de Carnaval prendràn possession de la Plaça Centrala de la vila per i fèr la fèca, es a dire dançar suls aires tipics e tradicionals que son ritmats e repetitius. En tot dançar, los carnavalièrs mainejan una carabèna (una longa cana fina enribanada) e lançan de confètis. La banda se plaça davant les musicaires. Al dintre d’una banda cadun se vestís de la medissa manièra: sovent pòrtan le vestit del Pierròt limosenc amb un lhop sus la cara. Pas una onça de pèlh se deu fèr véser: pòrtan de gant e de colaretas per pas que diguns les pòsca reconéisser. Darrièr les musicaires se plaçan les godils, es a dire de carnavalièrs que venon fèr la fèca sens que fagan partida de la banda qu’es de sortida. Les godils, caramascats elhis tanbens, se vestisson de totis les biaissis possibles. I a pas que l’imaginacion coma limit.
 
Fèr le torn de la plaça dura un parelh d’oras, ja que s’arrèstan a cada cafè per i beure una copa de blanqueta: la fèsta de Carnaval es tanbens la fèsta del vin.
 
A la primièra sortida, un carri de Carnaval es plaçat al mitan de la Plaça. Ça que representa demòra secret fins al moment qu’òm le sortisca. En general es lhigat a un eveniment de l’actualitat locala. Qualquis escapadissis dison qu’ongan le carri representarà un episòdi de la vida viticòla de la ciutat. V’ac veirem ben.
 
La sortida de la nuèit, totjorn, es mès emocionanta que las del jorn, ja que le percors es esclairat amb d’entòrchas enfocadas e que les aires causits son mès ponhents. Es a aqueste moment que vertadièrament se pòt sentir l’ambient blos e multisecular d’aqueste Carnaval e tot le pès de l’estacament de Limós a la siva tradicion.
 
Per ça de la lhenga occitana, cal dire que, tristament, se fa ausir cada còp mens. D’efièit, una tradicion del Carnaval de Limós es la de la china. Chinar, aquò vòl dire anar cap al public per lhor dire de badinariás, per lhor lhançar qualquis vertats amb l’impunitat de demorar anonim jos una masca, en tot prene una votz de tèsta. L’art de la china se fa en occitan, pas en francés. Jamès le francés a pres la plaça de la lenga nòstra per chinar, mas coma la siva coneissença demesís, se china de mens en mens. La banda del Pont Vièlh es coneguda per èsser plan abila a chinar en occitan.
 
A la darrièra sortida de la sason, anomenada Nuèit de la Blanqueta, Carnaval es jutjat e condamnat a èsser cremat. Le jutjament se fa en occitan e la dança a l’entorn del lenhièr es le tradicional Adieu paure Carnaval. Aquesta darrièra nuèit de festivitats es un moment dificilament descriptible, fòrt en emocions. Es una estona que cal viure per la poder comprene. Es un moment car al còr dels limosencs e de totis les abitants del ròdol.



 
 
Terric Lausa 
 





publicitat
BANER1-2-3: DGPL AN LAFONT



Comentaris

26 de genièr 13.30h

Grand mercés Terric per aqueste article festiu.
Urosament qu'al Jornalet sèm pas tant pessismista coma lo narrator de la videò d'acompanhament tocant l'avenidor de la lenga nòstra.


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

26 de genièr 12.39h

Terric Lausa parla a bon dreit de FÈSTA, e non pas d'espectacle. Carnaval non se pòt vendre ni se mirar. Carnaval se fèsta. E una fèsta, aquò se fa en familha, o entre amics. Volètz un Carnaval coma lo de Limós ? Alara vos cal FAR Carnaval. Carnaval es una fèsta del pòbla, e non serà pas jamai un espectacle. D'aquí l'importança centrala de la china. Cal una complicitat fòrta entre los mascats e los badaires per que siá Carnaval, e non pas qualque estèrle passa-carrièra mai o men... Legir mai


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 31
  • sol Aush 31
  • sol Bordèu 32
  • sol Briançon 24
  • sol Caors 32
  • sol Carcassona 27
  • sol Clarmont-Ferrand 32
  • sol Confolent 31
  • sol Gap 22
  • sol La Canau 32
  • sol La Gàrdia 29
  • sol Limòtges 31
  • sol Lo Borg Sant Dalmatz 25
  • sol Lo Puèi de Velai 30
  • sol Marselha 29
  • sol Montpelhièr 28
  • sol Naut Aran 27
  • sol Niça 26
  • sol Nimes 31
  • sol Pau 29
  • sol Peireguers 32
  • sol Rodés 31
  • sol Tolon 32
  • sol Tolosa 30
  • sol Valença 32

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Zep Armentano

    Era Mongetada (Val d'Aran 28-29 d'octobre 2017)

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • © Franc Bardòu

    Coserans al còr

  • Mentan

  • © Lissandre Varenne

    Senhaletica en Marjarida

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • Fèsta occitana a Barcelona, a l'ocasion del cinquen anniversari de Jornalet

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • Lo grand passacarrièra de Rodés. Occitan Pride 2013

  • La Primada de Montsegur, 17 de març 2012

    Primada de Montsegur, 17 de de març 2012

  • País de Rasés. © Franc Bardòu

    País de Rasés

  • © Laurenç Revèst

    Mónegue

  • Lo grand passacarrièra de Rodés. Occitan Pride 2013

  • Sant Joan de Toran. Carrèr. © Xavi Gutiérrez Riu

    Val de Toran (Aran)

  • Costiera de Gavotina marítima : Tròces de vial d'a marina de Mónego a Caboalh. © RL

    Costiera de Gavotina marítima: Tròces de vial d'a marina de Mónego a Caboalh

  • la passejada dins la ciutat mondina en estiu. © Clamenç (5 ans)

    Concors d'estiu 2012: La fotografia de las vacanças

  • © Aure Séguier

    Carnaval Biarnés 2017

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)