Bandièra01 1180x150: Comuna de Tolosa

Actualitats

Lo vilatge occitan de Catalonha

Sant Llorenç de Morunys celèbra la II Fèsta occitana en tot remembrar las siás originas

La darrièra dimenjada de julhet se debanarà a Sant Llorenç de Morunys (Païses Catalans) la II Fèsta Occitana en tot remembrar las siás originas. Lo vilatge foguèt poblat per de nòrd-occitans e de peitavins que fugissián l'inquisicion après la crosada contra los catars.


Los 27, 28 e 29 de julhet se debanarà a Sant Llorenç de Morunys (Païses Catalans) la II Fèsta occitana. Un programa cultural amb de passejadas, de conferéncias, de poesia, de talhièrs de danças, de balètis, de concèrts, etc. Al delà i aurà la Fièira Occitanocatara amb d'atraccions, de musica, de suspresas, e la primièra exibicion de formatges del Pirenèu ont los formatges occitans ne seràn los convidats.

La municipalitat vòl aital remembrar las siás originas occitanas. Los estatjants de Sant Llorenç de Morunys son apelats "piteus". S'agís de la memòria istorica qu'a pas oblidat, dins la lenga populara, l'origina de las gents de la vila de Peitieus o de la region de Peitau.
 
Lo vilatge es sul "camin dels bons òmes", la rota que seguiguèron lo mond que fugissián la crosada e l'Inquisicion. De documents de l'epòca dison qu'en aquel temps arribèt un grop de gents que venián del nòrd d'Occitània e de Peitau e s'i installèron. Aqueles compatriòtas fugissián lo país en un moment que l'inquisicion èra fòrça dura just après la crosada contra los catars, que s'acabèt amb de succès pels interèsses catolics e franceses del sègle XIII.
 
Lo mond de Sant Llorenç de Morunys, es a dire, los "piteus", fan amb aquela fèsta annala un omenatge a aquelas gents provenentas d'Occitània, en se revendicar lo vilatge occitan de Catalonha.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gerard Loison Tolosa / Perpinyà
3.

#2 òc, lo Joan que soi jo :-)

  • 1
  • 0
Maime Limòtges
2.

#1 Lo blòg deu Joan es lo teu blòg ? Ten, nos coneissem (virtualament) un pauc adonc !

  • 0
  • 0
Gerard Loison Tolosa / Perpinyà
1.

Lo parlar locau (solsonin) que presenta efectivament trets en comun dab l'occitan e particularament dab lo gascon: diftongason de la o iniciau atòna (aulor, auliva per olor, oliva), prostesi de "ar" davant r (arrefredar-se per refredar-se), e la a finau que soa com ua o. N'i èi consacrat un pòst recentament. La relacion deus gascons e deus peitavins dab los catars qu'ei fantasiosa. Totun, aquò rai, que's cau plan divertir.

  • 3
  • 3

Escriu un comentari sus aqueste article