Bandièra01 1180x150: Comuna de Tolosa

Actualitats

Es mòrt Pete Seeger, paire del fòlc estatsunidenc e activista politic

Ièr de matin moriguèt a Nòva York, a nonanta quatre ans, Pete Seeger, una legenda de la musica fòlc estatsunidenca. Seeger foguèt un activista remarcable en favor dels dreches civils e contra la guèrra, amb un grand protagonisme en las protèstas multitudinàrias contra la Guèrra de Vietnam. Seeger aguèt una granda influéncia sus de cantaires coma Bob Dylan, Joan Baez, Bruce Springsteen e Don McLean.
 
Après estudiar lo jornalisme a l’Universitat d’Harvard, percorreguèt dins los ans 1950 e 1960 d’archius e de bibliotècas dels Estats Units per collectar de cançons tradicionalas e ne crear de nòvas. Mai d’un aire sieu son venguts d’imnes dels movements pacifistas e ecologistas. Pr’amor de son activisme politic e de sa participacion als movements socials, foguèt reprimit pendent la caça de las mascas del senator MacCarthy. Seeger quitèt pas jamai la lucha politica e se mantenguèt totjorn critic. En 2011 vesitèt los activistas del movement Occupy Wall Street e amassa cantèron We Shall Overcome, sa cançon benlèu mai emblematica.
 
 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pimflòid
1.

Escotatz la soa version de l'internacionala, amics!
Qu'ei caramèl per las aurelhas, que balha calor au dehens!

De mei Pete Seegers que disè que cada país devè continuar de cantar las soas cantas tradicionalas meilèu que de tot barrejar en "world music".

... A despart d'aquò ne'u coneishi pas guaire. Que'u vau descobrir ara, com hasói a la mort d'Alvin Lee e de Michael Jackson. Mercés jornalet!

  • 2
  • 0

Escriu un comentari sus aqueste article