Sus l’illa de la Reünion, la lenga creòla es ben viva. Mentre que lo debat sus la ratificacion de la Carta Europèa de las Lengas Regionalas o Minoritàrias s’es descanedat dins l’Exagòn, dempuèi quatre annadas, un tèrç de las comunas de l’illa an decretat mai que mai lo bilingüisme dins los servicis amb lors administrats.
Es aital que la comuna de Sin-Dni de la Rényon (Saint-Denis), la capitala de la Reünion, a adoptat una Carta per lo Bilingüisme. Amb aquela carta, lo mond de Sin-Dni se pòdon exprimir en creòl amb lo personal comunal. A Sin-Pol e Le Port, los nòvis pòdon demandar d’èsser maridats en creòl.
Ça que la, i a encara la grafia que pausa problèma. Ara, la grafia del creòl reünionés es pas encara unificada, en particular dins las escòlas.
Que se cal avisar que lo Partit Comunista de l’illa es benaise d’aquelas iniciativas: “la reconeissença d’un estatut per las lengas regionalas e donc per lo creòl, aquò’s una victòria del pòble reünionés, aurà d’importantas consequéncias dins de domenis tant importants coma l’accès a l’ensenhament, la justícia e l’Educacion Nacionala.”
Dins la justícia tanben? Macarèl! E Jean-Luc Mélenchon es al fil?
Fabien Lécuyer
Es aital que la comuna de Sin-Dni de la Rényon (Saint-Denis), la capitala de la Reünion, a adoptat una Carta per lo Bilingüisme. Amb aquela carta, lo mond de Sin-Dni se pòdon exprimir en creòl amb lo personal comunal. A Sin-Pol e Le Port, los nòvis pòdon demandar d’èsser maridats en creòl.
Ça que la, i a encara la grafia que pausa problèma. Ara, la grafia del creòl reünionés es pas encara unificada, en particular dins las escòlas.
Que se cal avisar que lo Partit Comunista de l’illa es benaise d’aquelas iniciativas: “la reconeissença d’un estatut per las lengas regionalas e donc per lo creòl, aquò’s una victòria del pòble reünionés, aurà d’importantas consequéncias dins de domenis tant importants coma l’accès a l’ensenhament, la justícia e l’Educacion Nacionala.”
Dins la justícia tanben? Macarèl! E Jean-Luc Mélenchon es al fil?
Fabien Lécuyer
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un article plan interessant!
Mercés!
#1 Precision importanta. Mercés, que començavi de pas mei compréner...
Una bona chausa per lo pòple reünionés e sa marcha vers l'emancipacion !
Per çò dau Jean-Luc fau pas obludar que lo PCR es independent dau PCF e fai pas partida dau Front de Mança. E mai los darriers deputats dau PCR eran pas dins lo grop communista a l'assemblada nacionala.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari