Bandièra01 1180x150: Comuna de Tolosa

Actualitats

crotz-tolosaCreated with Sketch.Comtat de NiçaCostiera Niçarda

S’es esfondrat lo cobèrt del Carrefour del centre comercial Niça-Lingostiera

| @minizebre
Dos ferits leugièrs e tres desapareguts: es, a l’ora d’ara, lo bilanç de l’esfondrament del cobèrt d’un ipermercat Carrefour, d’aperaquí 300 mètres cairats, al centre comercial Niça-Lingostiera, que se passèt ièr a l’entorn de 17h30. Los secorses, ajudats per de cans dreiçats, cèrcan dins los tarcums se i a mai d’afectats.
 
Lo cònsol de Niça, Christian Estrosi, es anat sul pic sus plaça. En de declaracions a BFM TV indiquèt que i poiriá aver tres personas dins l’ipermercat al moment de l’accident. Mas las primièras recèrcas an pas trobat degun. Segon lo quite cònsol, las fòrtas pluèjas dels darrièrs jorns al país aurián provocat de filtracions dins la bastissa, en podent originar l’accident.
 
 
 
_____
Mai d’informacions sus Nice Matin

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
1.

Tant qu'es a causa de la pluèja e pas dels arquitectes, de l'entrepresa de construccion o de la quita direccion de Carrefour...

  • 0
  • 0

Escriu un comentari sus aqueste article