Bandièra01 capçalera  1180x150: Botiga

Actualitats

Un espaci nòu pels libres occitans e catalans a París

Lo librari Jean-François Coche, que fa un an li calguèt barrar l'istorica librariá Palm de Nas (Pam de Nas), a logat un taulièr dins un mercat de libres de la vila francesa

| Vilaweb
Uèi fa un an del barrament de Palm de Nas, una librariá tan pichona coma mitica del Quartièr Latin de París especializada en lengas romanicas, amb una atencion especiala als libres en occitan e en catalan. La rason del barrament, çò expliquèt alavetz l'encargat, Jean-François Coche, foguèt que lo proprietari del local voliá multiplicar per tres lo prètz del loguièr. Coche tenguèt quatre ans a i resistir, mas fin finala barrèt, decebut per l'indiferéncia de la Delegacion de la Generalitat de Catalonha en França, de l'Institut Ramon Llull e del Centre d'Estudis Catalans de la Sorbona. Un an après, aquel parisenc amorós de la nòstra cultura rapòrta que s'es pas alonhat dels libres: a tornat prene l'activitat sul mercat del libre vièlh e d'ocasion del Pargue Georges Brassens de París.
 
Coche a logat un taulièr dins aquel mercat del libre, plaçat al 104 de la carrièra de Brancion, que dobrís los dissabtes e los dimenges de nòu oras del matin a sièis oras del ser. Alavetz, las dimenjadas i pòrta qualques centenats de libres, que n'i a totjorn, e "fòrça visibles"', en catalan e en occitan.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Cedric
1.

Palm de Nas èra çò melhor pels libres occitans ... quina paradòxa que foguèsse estada a París ! Jean-François Coche es un afogat de literatura occitana e catalana. Es un òme que te pòt trobar quin libre que siá (basta de li demandar). Me fa plaser que pòsca perseguir aquela activitat de difusion de libres (emai siá demesida). I anarai véser tot aquò quand aurai l'escasença d'anar a París lo còp que ven.

  • 9
  • 0

Escriu un comentari sus aqueste article