CAPÇALERA: dintrada
CAPÇALERA2: AMICS DE JORNALET

Jornalet, gaseta occitana d'informacions

Divendres, 22 de setembre

Actualitats

Dimars, 11 de febrièr de 2014, 03h00 Espòrt

Rugbi XIII: Lesinhan fa Carnaval a Limós


Comentaris Cap de comentari    
Marrit Flac Bon Plan bon Fabulós (3 vòtes)
carregant En cargar


L’avion privat que permetrà als Dracs de mestrejar los viatges en Anglatèrra. Se volètz prene part als viatges, consultatz aqueste sit web.
© Se volètz prene part als viatges, consultatz aqueste sit web.





Etiquetas
roch, rugbi, rugbi xiii, xiii

Divendres de ser, la represa de la Superliga vesiá en partida avançada lo campion Wigan reçaupre los Gigants d’Huddersfield. E la sason se dobriguèt sus una brava suspresa: los Gigants, mai dinamics e mai en cambas, prenguèron lo melhor suls Roge e Blanc: 24-8.
 
Seguida tre aqueste dijòus amb un prometedor Warrington-Saint-Helens alara que los Dracs entamenaràn la sason divendres en serada a Hull contra l’Hull FC.
 
Als antipòdes, revista d’efectiu de las formacions d’NRL amb lo torneg a 9 que se ten dissabte e dimenge a Auckland.
 
Al país, lo Campionat dintrava dins sa segonda fasa. La pola C faguèt la mòstra de la brava diferéncia entre formacions d’Elèit 1 e formacions d’Elèit 2. Dissabte, Avinhon passèt un 64-4 a Lion, alara qu’a Albi, l’AS Carcassona marcava 11 ensags (3 per l’arrièr Sobeiràs, 3 pel segonda linha Anderson) per batre aisidament 54-0 l’esquipa locala.
 
Dimenge, dins la pola B, Vilanuèva venciá Palau, 28-10, e Baó ganhava fàcia a Realmont, 32-24. Dins la pola bèla, lo Tolosa Olimpic s’impausèt a Sant Estève als Dragonets: 20-12.
 
A L’Agulha, Limós recebiá los Singlars de las Corbièras, l’FC Lesinhan. Tre la 6a minuta, l’arrièr verd e blanc Duggan partissiá sus un remandadís als 20 mètres per marcar 80 mètres mai luènh. Limós replicava per son caçaire d’ensag Thérésin. Los lesinhaneses se mostravan mai ofensius e creatius, mai solidaris e mai en sosten permanent als portaires de pauma e trapavan de traucs dins la defensa limosenca per marcar dos còps mai abans la pausa: 16-8. Tre la represa, Duggan se paguèt un novèl 100 mètres sus sortida de mesclanha per s’anar amorrar entre los pals: 24-6. Limós arribava pas a metre la man sus una pauma volatejaira coma un confèti sus la Plaça de las Arcadas. Alara, causissiá los biaisses remontant a la mai nauta tradicion locala: los tampons apiejats e la dobertura de la saca de carpans; aquò lor i valguèt una cordelada de mesas sul rapòrt, un carton jaune, una penalitat e d’encaissar un cinquen ensag. Limós capitèt ça que la a tornar a 12 punts de lor venceire e de prene atal lo punt del bònus defensiu: 30-18.
 
Per la dimenjada qu’arriba, son al programa:
 
- en pola C: Lion-Albi (dissabte, 16h); Carcassona-Avinhon (dimenge, 16h)
- en pola B: Palau-Baó (dimenge, 15h), Realmont-Vilanuèva (dimenge, 15h15)
- en pola A: Tolosa-Limós (dissabte, 17h), Lesinhan-Dragonets (dimenge,15h15) 
 
 
 

Alan Roch



publicitat



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Benvengut, Fañch, dins una Republica que te ten en òdi e t’umília

L’11 de mai passat, nasquèt en Bretanha lo pichon Fañch. Aquel enfanton es a subir ara l’umiliacion qu’an patit d’autres enfants nomenats Jòrdi, Ròsa, ...
giny

Lo temps

Mapa
  • sol Agen 22 11
  • nuvols Aush 21 11
  • nuvols Bordèu 23 11
  • sol Briançon 21 6
  • sol Caors 22 11
  • pluja Carcassona 22 11
  • sol Clarmont-Ferrand 23 10
  • sol Confolent 21 11
  • sol Gap 26 12
  • nuvols La Canau 23 11
  • sol La Gàrdia 23 12
  • sol La Torre de Pèlitz 23 13
  • sol Limòtges 21 11
  • sol Lo Borg Sant Dalmatz 25 13
  • sol Lo Puèi de Velai 22 11
  • nuvols Marselha 26 16
  • nuvols Montpelhièr 21 16
  • nuvols Naut Aran 17 7
  • sol Niça 16 7
  • nuvols Nimes 26 16
  • nuvols Pau 19 12
  • sol Peireguers 22 11
  • sol Rodés 23 11
  • nuvols Tolon 24 15
  • nuvols Tolosa 23 13
  • sol Valença 23 11

giny

giny

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • Castelar

  • © Franc Bardòu

    Catalonha etèrna

  • © Aure Séguier

    Carnaval Biarnés 2017

  • © Magalí Barceló

    Santa Gabèla: quatrena fèsta del fogal rural La Gabèla

  • Pòrt de Niça: Li galeras

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Laurenç Revèst

    Fòrt Maginòt de Sant Anhe

  • A Torbia, quartiers e maions en occitan alpenc

  • Nèu sus sei Plans de Caussòus e dau Calern e a Canaus d'Andon. © Laurenç Revèst

    Nèu sus sei Plans de Caussòus e dau Calern e a Canaus d'Andon

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Lo grand passacarrièra de Rodés. Occitan Pride 2013

  • Costiera de Gavotina marítima : Tròces de vial d'a marina de Mónego a Caboalh. © RL

    Costiera de Gavotina marítima: Tròces de vial d'a marina de Mónego a Caboalh

  • © Conselh Generau d'Aran

    Lo Torn de França 2016 en Aran

  • Valadas. © Xavi Gutiérrez Riu

    Valadas

  • © Franc Bardòu

    Catalonha etèrna

  • Gavotina marítima: trofèu d'August e vila vielha d'A Torbia

  • Nòstre sap de Chalendas. © Guiu de Valença (Daufinat occitan)

    Concors de Nadal 2014. Las Calendas en çò vòstre

  • © Laurenç Revèst

    Montpelhièr: inauguracion de la granda exposicion patrimoniala "Max Roquèta, la libertat de l'imaginari"

  • © Franc Bardòu

    Catalonha etèrna

giny

Vidèos

Las mai...

publicitat

LATERAL2 300x250: Cultura Conselh Aran

giny

Sondatge

Perqué creses que l’administracion francesa pòt pas escriure “Fañch”?


6%



92%



2%




Vots 144 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)