Bandièra01 1180x150: Comuna de Tolosa

Actualitats

Azawad: trenta toarègs assassinats en tornant del mercat

A prepaus d’aquel chaple, Tamazgha.fr publica una entrevista de Moussa Ag Assarid, representant de l’MNLA en Euròpa

Moussa ag Assarid, representant de l’MNLA en Euròpa
Moussa ag Assarid, representant de l’MNLA en Euròpa | Tamazgha.fr
Un trentenat de toarègs que tornavan del mercat foguèron tuats en Azawad lo 6 de febrièr passat, segon d’informacions de Tamazgha.fr. Lo chaple se passèt a Tamkoutat, a 120 quilomètres a l’èst de Gao. Demest los mòrts i auriá doas femnas e dos enfants.
 
Los assassins serián d’elements del Movement per l’Unitat del Jihad en Africa de l’Oèst (MUJAO). Mas Tamazgha.fr denóncia tanben lo silenci e l’inoperància de l’estat malian per protegir los amazighs (o berbèrs, toarègs incluses), e tanben la manca de compassion de la comunautat internacionala.
 
A prepaus d’aquel massacre, lo jornal amazighista publica una entrevista vidèo de Moussa Ag Assarid, representant en Euròpa del Movement Nacional de Liberacion d’Azawad (MNLA).
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article