Bandièra01 1180x150: Comuna de Tolosa

Actualitats

Catalonha a lançat l’embrion de son tresaur public

Tributs de Catalonha es lo nòu ret de burèus d’atencion al contribuent de la Generalitat de Catalonha, que comencèt ièr. Lo presentèt oficialament lo president Artur Mas.
 
Lo ret inicial es de 53 burèus, qu’aumentarà fins a 152 e un sit web. Lo foncionament serà lo d’un portanèl unic per totes los impòstes, que sián locals, autonomics o estatals.
 
S’agís del primièr pas del nòu modèl d’administracion tributària catalana. La tòca es de recaptar totes los impòstes que paguen las entrepresas, las institucions e los ciutadans de Catalonha, e mai se lo destinatari final es pas la Generalitat mas l’administracion espanhòla. La tòca es d’aver la clau e las donadas fiscalas, çò que farà mestièr se se constituís un estat catalan nòu. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article