CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 22 de setembre

Actualitats

Dijòus, 31 de mai de 2012, 13h15 Politica,Lenga,Escòla

Lengadòc > Lengadòc Bas > Montpelhierenc

"Indisponibilitat subita" per l'ensenhament de l'occitan a Montpelhièr

Lo CREO Lengadòc seguís mobilisat contra lo desmantelament de l'occitan dins l'ensenhament


Comentaris 6 comentaris    
Marrit Flac Bon Plan bon Fabulós (3 vòtes)
carregant En cargar


País Nòstre e lo Med'Òc avián apelat a un recampament uèi contra lo desmantelament de l'occitan dins l'ensenhament. “Dijòus 31 de mai deu acampar lo Conselh Academic e serà lo moment de manifestar”, çò disiá l'apel. Lo Conselh Academic de las Lengas Regionalas deviá ensajar de resòlvre lo conflicte amb los ensenhaires d'occitan. Ça que la, un brèu messatge mandat ièr a 18h als participants d'aquel acamp causèt l'estonament. Lo messatge disiá que la reünion èra estada anullada "per causa d'indisponibilitat subita" del director academic encargat del dossièr "lenga regionala".


Sens especificar quina era aquela "indisponibilitat subita", lo CREO Lengadòc pensa que lo director a evitat una confrontacion que s'anonciava musclada, vista l'indignacion dels occitanofòns per rapòrt a la siá politica de desmantelament de la nòstra lenga dins l'academia de Montpelhièr. Al delà se pòt pas parlar d'interès per resòlvre lo conflicte.
 
Pasmens, cal esperar qu'aquel Conselh Academic se debanarà qualque jorn. S'aquel moment arriba e lo director academic es tornarmai sobtadament indisponible, lo CREO demanda que lo rector n'assumisca lo ròtle per respondre las revindicacions dels Conselh Academic de las Lengas Regionalas".
 
Lo CREO Lengadòc seguís mobilisat e apela los colègas, los parents d'escolans, los elegits, los sindicalistas, e lo pòble en general a signar e far signar massivament la peticion.
 
Las mobilizacions son en responsa a las mesuras qu'a anonciat l'acadèmia de Montpehièr quant a l'ensenhament de l'occitan.

Demest aquelas mesuras se parla de la supression d’un emplec a miei temps d’animacion pedagogica, en foncionant dempuèi 1982, suls mejans especifics atribuits pel ministèri pel desvolopament especific de las lengas regionalas.

S'agís d'un pòste que permetiá de metre en marcha los projèctes pedagogics del primièr e del segond gra, amb l’ajuda de las collectivitats territorialas.

Al delà, se pretén redusir considerablament la mejana d'accion de l'encargat de mission academica e las siás foncions de responsabilitat, mai que mai sus las gestion dels mejans e la seguida dels ensenhaments. Son tanplan menaçats los pòstes dels conselhièrs pedagogics dels departaments d'Aude e de Gard, vist qu'après la lor retirada seràn pas remplaçats.



publicitat
BANER1-2-3: DGPL DICTADES



Comentaris

3 de junh 10.36h

Cal contunhar de quichar pel tal qu'aquela "indisponibilitat subita" venga definitiva : l'amira es de far petar lo Rector, que lo paure "encargat" i es pas per res, a mon vejaire.
Reviscolarà un còp aquel marrit Monsur partit e lo CALR se tendrà normalament ; a Tolosa, es totjorn lo Rector que lo presida.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

31 de mai 20.46h

Quand mèsma, los Occitanistas qu'espaurugan l'administracion, es un brave progrès, non ? Començan d'i soscar abans que de tocar a l'ensenhament de l'Occitan.


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

31 de mai 20.28h

#3 Ua estructura occitana, metem; mes entant qui aquera administracion e dauneja lo país, qué cau har ? Ací que s'ageish de parlar de l'ensenhament de l'occitan en L-R, dab qui se n'i va parlar senon dab era ?


Valoriza aqueste comentari:   votar positiu 2   votar negatiu 2
Respondre comentari replica Comentari inadeqüat   Formulari d'abús de comentari

31 de mai 19.56h

Pròva, se ne caliá donar una, que l'administracion estatala francesa servís per pas res en Occitània. Pièger: es una estructura toxica per lo País Nòstre.

Es una administracion de colonizaires, facha per desvolopar los interesses dels colons al detriment del pòble occitan.

Mas, bon, d'unes diràn encara que l'idèa de l'independència occitana es un replegament. Creson encara que França cambiarà: 9 sègles e pro long per comprendre a mon vejaire...


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

31 de mai 17.33h

"indisponibilitat subita" ? Aviá benlèu la caganha, lo tipe...


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

31 de mai 17.08h

Causa d'indisponibilitat subita d'un director enca(r)gat... Aquel monde fan los cacos mentre son embarrats dins lor cabinet mas quand ne sortisson per trapar las gents concernidas se cagan dins las cauças.


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Jornalet en papièr: la seguida

Dijòus passat a Carcassona, la còla de Jornalet anoncièrem l'intencion de tornar publicar una revista en papièr per l'an 2020. Nòstra idèa es de publicar ...
giny

Lo temps

Mapa
  • sol Agen 14
  • sol Aush 15
  • sol Bordèu 16
  • sol Briançon 13
  • sol Caors 14
  • sol Carcassona 17
  • sol Clarmont-Ferrand 13
  • sol Confolent 16
  • sol Gap 12
  • sol La Canau 16
  • sol La Gàrdia 23
  • sol Limòtges 14
  • sol Lo Borg Sant Dalmatz 14
  • sol Lo Puèi de Velai 14
  • sol Marselha 20
  • sol Montpelhièr 17
  • sol Naut Aran 14
  • sol Niça 19
  • sol Nimes 18
  • sol Pau 15
  • sol Peireguers 13
  • sol Rodés 15
  • sol Tolon 15
  • sol Tolosa 15
  • sol Valença 14

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Conselh Generau d'Aran

    Lo Torn de França 2016 en Aran

  • Valadas. © Xavi Gutiérrez Riu

    Valadas

  • Asuèlhs de Garnagués. © Franc Bardòu

    Asuèlhs de Garnagués

  • Omenatge a Aragon. © Franc Bardòu

    Omenatge a Aragon

  • La Korrika, la corsa per la lenga basca es arribada a Tolosa

  • © Zep Armentano

    Era Mongetada (Val d'Aran 28-29 d'octobre 2017)

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • Arremassada de signatures pera independéncia. ANC Val d'Aran, Vielha 11-12 de gèr 2014

  • Meravilhas aranesas. © Franc Bardòu

    Meravilhas aranesas

  • Carnaval Gascon a l'Isla de Baish 2013. © Yves Sénécal

    Carnaval Gascon 2013 a L'Isla de Baish (Savés)

  • Estivada 2013. © Guillem Sevilla

    Estivada 2013

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Laurenç Revèst

    Menton, 'a vivaroalpenca maritima

  • © Laurenç Revèst

    Cavairac, Vau Naja (Costièra de Nimes)

  • © CD

    Escòla Calandreta dau Mas. Drap (País Niçard)

  • Omenatge a Aragon. © Franc Bardòu

    Omenatge a Aragon

  • © Franc Bardòu

    Tèrra albigesa

  • Estivada 2013. © Guillem Sevilla

    Estivada 2013

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Tornariás sosténer una edicion de Jornalet en papièr en 2020?


60%



26%



14%




Vots 35 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)