Actualitats
L’oposicion a pres lo poder en Ucraïna
Ianukovych denóncia un còp d’estat. Tymoshenko, liberada, es anada a la plaça de l’Independéncia de Kyiiv e a anonciat que se presentarà a las eleccions
Revirada de poder en Ucraïna. Lo president, Viktor Ianukovych, partiguèt ièr de Kyiiv del temps que lo partit de Iuliia Tymoshenko, qu’èra lo principal partit de l’oposicion, prenguèt lo poder; e ara aquel partit ditz qu’assumís provisiòriament la coordinacion dels ministèris fins a la formacion d’un nòu govèrn. Los opausants an tanben pres lo contraròtle de las carrièras, fins a la convocacion d’eleccions qu’an anonciadas pel 25 de mai.
“Los eveniments qu’a presenciats lo nòstre país e lo Mond entièr son un exemple de còp d’estat”, çò diguèt Ianukovych en una entrevista a Interfax. “Totas las decisions que ven d’acceptar lo parlament son illegalas, ieu ai pas signat res”, çò afirmèt. De mai, las províncias orientalas an tanben mes en question las darrièras decisions del parlament ucraïnés.
Segon qualques agéncias d’informacions, Ianukovych seriá a Kharkiv, a l’èst del país, a qualques 70 quilomètres de la frontièra amb Russia, amassat amb qualques deputats de las regions orientalas russofònas. Qualques mèdias an quitament especulat que Ianukovych auriá quitat lo país.
A Kyiiv, la polícia a quitat lo palais presidencial e qualques manifestants i son intrats. Los opausants d’ultradrecha dison que contraròtlan la capitala del temps que los opausants mai moderats an aprovat al parlament una resolucion que demanda la demission de Ianukovych e que convòca d’eleccions anticipadas, e mentretant assumiràn la coordinacion dels ministèris.
De fach, dins la Rada, qu’es lo nom del parlament ucraïnés, Volodymyr Rybak, del partit de Ianukovych, demissionèt “per de problèmas de santat”. Es vertat que Rybak patiguèt una crisi d’ipertension dins la quita Rada a causa dels faches d’aquesta setmana passada. Los parlamentaris elegiguèron a l’unanimitat Oleksandr Turchynov, del partit de Iuliia Tymoshenko, coma nòu president de la cambra parlamentària.
Lo parlament tanben votèt la liberacion immediata de Iuliia Tymoshenko, aprovada amb 322 vòtes sus 450. La cap opausanta es estada liberada sul pic e es anada a la Plaça de l’Independéncia de Kyiiv, (coneguda per qualques mèdias coma Maidan, çò que vòl dire “plaça” en ucraïnés). Tymoshenko es estada recebuda per qualques 50 000 personas, que las a saludadas coma “los eròis d’Ucraïna”. “Ai pas reconegut Kyiiv, amb las veituras cremadas, las barricadas, mas es una autra Ucraïna, l’Ucraïna dels òmes liures”, çò diguèt.
Tymoshenko foguèt jutjada e mesa en preson fa 7 ans per “abús de poder” dins l’afar de la disputa del gas amb Russia, mas los opausants a Ianukovych considèran que son empresonament foguèt degut a “de rasons politicas”. Ièr anoncièt que se presentarà a las eleccions.
“Los eveniments qu’a presenciats lo nòstre país e lo Mond entièr son un exemple de còp d’estat”, çò diguèt Ianukovych en una entrevista a Interfax. “Totas las decisions que ven d’acceptar lo parlament son illegalas, ieu ai pas signat res”, çò afirmèt. De mai, las províncias orientalas an tanben mes en question las darrièras decisions del parlament ucraïnés.
Segon qualques agéncias d’informacions, Ianukovych seriá a Kharkiv, a l’èst del país, a qualques 70 quilomètres de la frontièra amb Russia, amassat amb qualques deputats de las regions orientalas russofònas. Qualques mèdias an quitament especulat que Ianukovych auriá quitat lo país.
A Kyiiv, la polícia a quitat lo palais presidencial e qualques manifestants i son intrats. Los opausants d’ultradrecha dison que contraròtlan la capitala del temps que los opausants mai moderats an aprovat al parlament una resolucion que demanda la demission de Ianukovych e que convòca d’eleccions anticipadas, e mentretant assumiràn la coordinacion dels ministèris.
De fach, dins la Rada, qu’es lo nom del parlament ucraïnés, Volodymyr Rybak, del partit de Ianukovych, demissionèt “per de problèmas de santat”. Es vertat que Rybak patiguèt una crisi d’ipertension dins la quita Rada a causa dels faches d’aquesta setmana passada. Los parlamentaris elegiguèron a l’unanimitat Oleksandr Turchynov, del partit de Iuliia Tymoshenko, coma nòu president de la cambra parlamentària.
Lo parlament tanben votèt la liberacion immediata de Iuliia Tymoshenko, aprovada amb 322 vòtes sus 450. La cap opausanta es estada liberada sul pic e es anada a la Plaça de l’Independéncia de Kyiiv, (coneguda per qualques mèdias coma Maidan, çò que vòl dire “plaça” en ucraïnés). Tymoshenko es estada recebuda per qualques 50 000 personas, que las a saludadas coma “los eròis d’Ucraïna”. “Ai pas reconegut Kyiiv, amb las veituras cremadas, las barricadas, mas es una autra Ucraïna, l’Ucraïna dels òmes liures”, çò diguèt.
Tymoshenko foguèt jutjada e mesa en preson fa 7 ans per “abús de poder” dins l’afar de la disputa del gas amb Russia, mas los opausants a Ianukovych considèran que son empresonament foguèt degut a “de rasons politicas”. Ièr anoncièt que se presentarà a las eleccions.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un cop d'estat,acò rai ! La mafia,acò rai! Los ultras acò rai ! Las mesorgas,la manipulació,tot li va ben al capitalisme. De veritat cap, d'objectivitat,res . Democracia: se la passen pel cul !
mai, capon de bondisque, es una malautià infantil dau "jornalet" de veire de pertot l'ultradrecha a la maniobra. dins lo cas ucraïnés, leis ultradrechas son lei nacionalistas que forman la majoritat de la populacion. Oblidèm pas que se en 1885 l'estat tsarista a proïbit la lenga dau pais, en 1934-35 lei sovietics an organisat la famina per brisar la resisténcia dei kolaks e dei nacionalistas d'Ucraïna, tres o quatre milions de morts e aquo serià un acte progressista ? ieu, preferi que s'enebisse una lenga puslèu que laissar morir lei gents de fam, mai ara Ucraïna ei dins la bona dralha, europea e nacionalista e per ara ei pas contradictori ! quente polit monument istoric que lo palais de Ianukovitch ! amb la galera sus l'estang ! un fonccionari de la cultura coma Filipetti aurià jamai agut aquesta idèa
#1 L'èst d'Ucraïna èra de majoritat ucraïnofòna a passat temps, e subiguèt una russificacion pendent lo periòde tzarista tardiu e mai que mai pendent lo periòde sovietic.
Me sembla donc inexacte de parlar de regions "russofònas" a l'èst e "ucraïnofònas" a l'oèst. Se parla encara l'ucraïnés a l'èst, mai lo rus i a penetrat mai qu'alhors.
Que las regions russofònas vagon amb Russia e serà benlèu ja un problèma de mens. L'independéncia en 1991 dels estats de l'èx-URSS es fach segon lo decopatge de las RSS fach per Estalin, per far sovent de païses ingovernables amb la creacion de minoritats en levar un tròç de territòri ozbèc e en l'ajustant al Tajiquistan per exemple. Ucraïna es parier coma Moldavia e la Transdnistria (=russa).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari