Bandièra01 capçalera  1180x150: Novestivada

Actualitats

Chepic a la polícia perque s’es pas emplegat l’espanhòl al congrès dels telefòns mobils de Barcelona

An de chepic a la polícia nacionala espanhòla perque s’empleguèt pas l’espanhòl a l’inauguracion del congrès dels telefòns mobils (Mobile World Congress), que se debana a Barcelona. A l’inauguracion, que se passèt diluns passat a la capitala catalana, participèron lo prince d’Espanha, Felip de Borbon, e lo president de Catalonha, Artur Mas. Lo president catalan parlèt en anglés del temps que lo prince o faguèt en catalan.
 
Lo pòrtavotz del Sindicat Unificat de la Polícia (SUP), José Maria Benito, diguèt qu’es “inquietant” que lo prince parle catalan. Pus frapant foguèt José Manuel Sánchez Fornet, president d’onor del SUP, en fiular sus Twitter: “aquela empega qu’en Espanha, per de complèxes e coardiá, se parle anglés e catalan, e non pas en espanhòl”.
 
 


 

fffff  fffff
 Li vòl pas tocar la man al prince
 
L’entrepreneire catalan Àlex Fenoll volguèt pas tocar la man del prince Felip de Borbon (vidèo), quand el e lo president catalan, Artur Mas, saludavan los participants del congrès dels telefòns mobils.
 
Lo prince insistiguèt e Fenoll li respondèt que li voliá pas tocar la man tant que l’estat espanhòl empediriá Catalonha de votar dins un referendum sus l’independéncia.


 
     


 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Felip Martèl Montpelhier
2.

De qué se mescla aqueu "sindicat" de policiers ? E an visiblament pas comprés qu'es justament per encausa de la situacion actuala en Catalonha, e dau prestigi puslèu bas de la monarquia en Espanha que lo prince s'es atencianat a parlar catalan. Es de politica elementària...

  • 4
  • 0
Pirolet
1.

E lo chepic serà tanben per lo Michel Serres que pòt pas imaginar que se parle de modernitat en catalan.

  • 3
  • 0

Escriu un comentari sus aqueste article