CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimenge, 20 d'octòbre

Actualitats

Dimenge, 2 de març de 2014, 03h00 Politica

Lengadòc > Lengadòc Naut > Tolosan

A Tolosa, los candidats an passat l’oral d’occitan

Diluns 24 de febrièr, los candidats a las municipalas de Tolosa èran esperats per lo grand oral sus la cultura occitana, al convit de Convergéncia Occitana


Comentaris 12 comentaris    
Marrit Flac Bon Plan bon Fabulós (11 vòtes)
carregant En cargar


Sus sièis caps de lista anonciats, èran pas que tres fin finala a respondre a la crida del malhum mondin d’associacions occitanas: Pierre Cohen (PS, cònsol màger actual), Antoine Maurice (EELV) e Joan-Luc Moudenc (UMP). Al nivèl dels tres autres previstes, Christine de Veyrac (SE) èra retenguda per son mandat de deputada europèa e èra representada per la cantaira occitana Marie-Ange Bouzinac; e Jean-Pierre Plancade (SE), desencusat tanben per de rasons professionalas, èra representat pel militant occitanista Vincenç Rivière. Es de notar que Jean-Christophe Sellin (FDG), el, se presentèt pas, sens justificar son abséncia pr’aquò, causa pas tant espantata —qu’aquel braç dreit de Mélenchon trantalha pas a se revendicar publicament “jacobin e ufanós d’o èsser”— e a l’encòp estranha, compte tengut qu’es el qu’assumís la presidéncia del Conservatòri Occitan de Tolosa fins a la fin del mandat en cors.



© Convergéncia Occitana/ JJ Maurette


© Convergéncia Occitana/ JJ Maurette





Documents
Àudios
Etiquetas
convergéncia occitana, elegits, municipalas 2014, rousseu, tolosa

Lo debanament de la serada
 
Aprèp una corta presentacion de la plataforma de 35 demandas mandadas als candidats pel president de Convergéncia Occitana, Joan‑Francés Laffont, los candidats o lors representants aguèron cadun 10 minutas per presentar las lors proposicions, abans de respondre a las questions d’un public mens nombrós que sièis ans fa, mas ça que la plan present dins una Sala del Senescal als tres quarts comola.
 
 
D’una meteissa votz...
 
Mai d’una de las proposicions de Convergéncia faguèron l’unanimitat, especialament en çò que concernís l’ensenhament, tant dins lo public (amb lo retorn a l’engatjament de la dobertura d’una classa bilingüa per annada de mandat), coma dins lo malhum Calandreta (amb la reafirmacion de totes los candidats de trapar una solucion per perennizar la Calandreta de Còsta Pavada, per ara menaçada, coma la volontat d’ajudar al desvolopament del malhum de las escòlas associativas immersivas occitanas); mas tanben se parlèt d’ajudar a assegurar una continuitat de l’ensenhament, dempuèi la debuta de la vida escolara (amb de projèctes d’experiments de gardariás bilingüas e mai de preséncia de la lenga dins lo temps parascolar) en passant pel collègi e fins al licèu.
 
Foguèt çò parièr per la necessitat d’ajudar a la transmission, quite d’incitar mai los emplegats comunals e los elegits a aprene la lenga e a soscar cossí, en aprigondir la visibilitat; tanben parlèron d’espandir la competéncia “lenga occitana” a l’ensems de la metropòli mondina e de refortir la transversalitat, en tot afortir lo ròtle de l’encargat de mission (que representa per ara un mièg temps, e que deuriá passar a un emplec sencer, e mai a mai d’un).
 
Malgrat l’abséncia del sieu president, lo Conservatòri Occitan foguèt tanben al centre de las discussions, amb una volontat de reforma prigonda d’aquela institucion, per la faire tornar a sas missions primièras de transmission, a l’encòp de la cultura e de la lenga.
 
La proposicion de Convergéncia de montar un centre de la memòria de las civilizacions latinas, sul sit de l’anciana preson Sant Miquèl, faguèt l’unanimitat... contra ela, cada candidat avent un autre projècte de montar dins lo bastiment classat, ça que la amb la promessa de soscar a un endreit per implantar aquel centre.
 
 
...Mas pas sul meteis ton
 
Ça que la, s’un consens semblèt de se dessenhar, cadun i anèt de son biais amb doas tendéncias bèlas.
 
D’un costat, los professionals de la politica: amb un Antoine Maurice botant endavant la necessitat de se virar cap al sud (especialament via de projèctes d’embessonatges), de trabalhar mai amb Catalonha e de se gardar del parisenquisme, en tot s’apiejar sus l’actual elegit en carga de l’occitan de Tolosa, lo verd Jean-Charles Valadier qu’es dins sa lista; amb un Pierre Cohen qu’espepissèt son bilanç en tot demorar sus sa posicion de “Tolosa arc de coneissença” e la necessitat de mesclar la cultura occitana amb las culturas de l’immigracion per s’enclavar pas, soslinhant tanben lo fach que lo movement Bastir èra present a son costat; amb un Jean-Luc Moudenc que remembrèt qu’es el, lo cònsol màger, que botèt en plaça las placas de carrièras e qu’inauguret l’Ostal d’Occitània, en tot s’apiejar sus son implicacion coma deputat dins las recentas batèstas a l’escala nacionala, (especialament la de la Lei Peillon), e que sortiguèt ça que la de son capèl una promessa de mesa a disposicion d’un terren per un collègi o un licèu en collaboracion amb lo departament o la region, e lo nom d’un elegit en carga de l’occitan en cas de victòria en la persona de Jean-Michel Lattes.
 
E de l’autre costat, los nòuvenguts: amb una Marie-Ange Bouzinac que semblèt pas tròp a l’aise (parlèt mens de cinc minutas sus las dètz acordadas), contant subretot d’anecdòtas personalas e se gardant de faire de proposicions, tornant díser la necessitat de non pas daissar crebar la lenga en escometent sul torisme; amb Vincenç Rivière enfin, que multipliquèt las promessas, anant fins a èsser lo sol a s’engatjar sus una quòta de 10% de programacion culturala en occitan dins los luòcs finançats per la comuna, en cas qu’En Plancada ganhèsse, e el seriá nomenat “elegit en carga de l’occitan”. Es de notar qu’aqueste darrièr foguèt lo sol a faire sa presentacion tota en occitan, explicant que la sieuna lista èra la ont i aviá lo mai d’occitanofòns, en començant pel cap de lista En Plancada; aquò li valguèt un còp de pè de l’ase de Pierre Cohen, que faguèt remarcar que “seriá estat aisit pels autres de se faire representar per de gents que parlan la lenga, mas que li pareissiá mai important d’aver la preséncia de caps de lista per balhar de sens e d’oficialitat als engatjaments”.
 
 
Una serada sens carn ni peis
 
Se fin finala aquela serada semblèt un succès, tant per la tenguda del discors coma per la qualitat de las questions, òm pòt notar dins cèrts participants un sentit d’inacabat, benlèu degut a una manca de presa de risc, tant del costat de las presas de posicions dels candidats coma benlèu dins las demandas dels occitanistas.
 
Bilanç final: lo 30 de març venent de ser, ont la o lo que ganharà las claus del Capitòli deuriá veire tre l’endeman los militants li venir remembrar que lo temps de la campanha es ara acabat e que las promessas an d’èsser tengudas.
 
 
 
 
Cedric Rousseu 





municipales toulouse occitan per france3midipyrenees



publicitat
BANER1-2-3: DGPL AN LAFONT



Comentaris

4 de març 09.12h

#9 Òc, confirmi!


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

3 de març 18.24h

#9 vertat que voliai pas ésser mahausèc. Pr'aquò çò que m'atissa dins tot aquò, e benlèu qu'es pas verai tampauc, es que sembla que i aguessa cap de projecte estructurat amb "plan d'action" responsablas, ni mai cap de contraròtle, pas mai atanben de mesura. e ni mai una seguida al plèc de tot aquò. Sem demandaires, mas volèm pas quemandar . Volèm un partenariat e trabalhar de cotria. e cal saber que la part mai granda de trabalh sara de nosaus. Me desencusi s'ai blessat quauqu'une... Legir mai


Valoriza aqueste comentari:   votar positiu 4   votar negatiu 1
Respondre comentari replica Comentari inadeqüat   Formulari d'abús de comentari

3 de març 13.57h

#9 Soi d'acòrdi : quala que siá la lenga parlada, s'exprimir davant un molon de gents amb un micrò es pas causa aisida, per qualqu'un que ven de la societat civila.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

3 de març 13.18h

#2 Me caldria pas trop intervenir coma autor de l'article, çaquelà trapi maissant de diser que lo Vincenç "ensaja" de parlar occitan. L'òme es un militant sincère e que parla la lenga coma cal


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

3 de març 13.13h

#3 Cambiaments fachs granmercés a tu (e a la còla del Jornalet) me desencusi encara per aquelas pecas (mas coma lo diria un amic peca de pica es pas pecat pecaire) e teni de saludar lo meu vielh "fan" del Jornalet (que vesi la nòta de l'article baissar d'una miegja estela e un det gròs que davala, amic te caldria me diser ton nom un jorn, podriam bèure un còp amassa, prometi de pagar lo primier)


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

2 de març 12.22h

#3 De vertat per l'UDI, e pel Plancada, aprep çò me sembla que Marie Ange es de vertat Bouzinac e pas Bouzignac, e pas mai Lalanne
http://terramaire.blogspot.fr/2008/02/de-maire-en-filha.html
Aprep veirai amb los companhs del Jornalet per corregir aquelas pècas que vos demandarai de desencusar, son degudas a un long trabalh fargat amb una rabia de dents tarribla


Valoriza aqueste comentari:   votar positiu 4   votar negatiu 1
Respondre comentari replica Comentari inadeqüat   Formulari d'abús de comentari

2 de març 12.21h

Bla bla bla aqui son justas d'intencions, amb aquò plan paure es lo que pòt pas prometre. Ara qu'avèm las panièras emplenadas d'intencions podem ésser contentons. Cap de projecte chifrat, cap d'(échéancier). Un manat d'incompétançias estaloriadas a belis uèlhs vesent.


Valoriza aqueste comentari:   votar positiu 1   votar negatiu 1
Respondre comentari replica Comentari inadeqüat   Formulari d'abús de comentari

2 de març 10.58h

Èra un acamp public de la jurada per li Cogordas Awards de 2014 ???


Valoriza aqueste comentari:   votar positiu 5   votar negatiu 1
Respondre comentari replica Comentari inadeqüat   Formulari d'abús de comentari

2 de març 10.16h

"l’anciana preson Sant Miquèl, faguèt l’unanimitat còntra" òc, siguèm serioses, per l'occitan la novela estructura faria tròup digna, tròup classa. Ren de tal qu'una pichoneta carrièra escura perduda dins un quartier pabalhonari fòra centre, non ? :(


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

2 de març 09.32h

Qualques errors: C. De Veyrac es pas la candidata UDI, es sens etiqueta, per çò que l'UDI sosten Modenc. Joan Miquèl Lattes, futur encargat de l'occitan se Modenc es elegit, es d'alhors de l'UDI. E la representanta de De Veyrac es pas Bozignac...es Marie-Ange Lalanne...
De mai, es Joan Pèire Plancade, pas Christian...


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 16
  • sol Aush 16
  • sol Bordèu 14
  • sol Briançon 15
  • sol Caors 16
  • sol Carcassona 21
  • sol Clarmont-Ferrand 14
  • sol Confolent 19
  • sol Gap 13
  • sol La Canau 13
  • sol La Gàrdia 25
  • sol Limòtges 14
  • sol Lo Borg Sant Dalmatz 16
  • sol Lo Puèi de Velai 18
  • sol Marselha 22
  • sol Montpelhièr 21
  • sol Naut Aran 16
  • sol Niça 19
  • sol Nimes 23
  • sol Pau 16
  • sol Peireguers 17
  • sol Rodés 16
  • sol Tolon 13
  • sol Tolosa 16
  • sol Valença 23

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Asalaís Moniguet

    Montpelhièr la lengadociana

  • © Franc Bardòu

    Asuèlhs de Lauragués

  • País de Rasés. © Franc Bardòu

    País de Rasés

  • © Franc Bardòu

    Catalonha etèrna

  • © Laurenç Revèst

    Fòrt Maginòt de Sant Anhe

  • © Laurenç Revèst

    Fòrt Maginòt de Sant Anhe

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Laurenç Revèst

    Fòrt Maginòt de Sant Anhe

  • © Miquèu Barís

    Los calandrons d'Auloron qu'an visitat Baiona

  • Zep Armentano

    25au Corsa Aran per sa Lengua

  • Mentan

  • Colomèrs, Pujòlo, Aran

    L'estiu dels legeires de Jornalet 2018

  • Mónego, Bersorèlh e 'A Torbia sota 'a nèu. © Artusa Garavan

    Mónego, Bersorèlh e 'A Torbia sota 'a nèu

  • © Franc Bardòu

    Catalonha etèrna

  • Tardor dins lo País de Saut lengadocian. © Terric Lausa

    Tardor dins lo País de Saut lengadocian

  • Beneset Thauvin

    Concors de preseps, betlèms o grépias

  • Exposicion temporària sus Robèrt Lafont al CIRDOC (D.R.)

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Estivada 2013. © Guillem Sevilla

    Estivada 2013

  • Asuèlhs de Menerbés. © Franc Bardòu

    Asuèlhs de Menerbés

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


3%



6%



90%



0%




Vots 31 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)