Actualitats
La consolessa de Montalban entenduda per la polícia
Es acusada de pagar un jornalista per escriure d’articles favorables a ela e contraris a l’oposicion dins los mèdias locals
La consolessa de Montalban, Brigitte Barèges, e candidata a sa succession pròpria dins la capitala del Bas Carcin, foguèt entenduta ièr de matin per la polícia judiciària a Tolosa, dins l’encastre d’una enquèsta sus un enventual desviament de fonzes publics, segon çò que rapòrta l’AFP a travèrs d’una font policièra.
La polícia judiciària de Tolosa, qu’es en carga d’aquesta enquèsta preliminara, cèrca de saber s’un emplegat de la comunicacion de la municipalitat foguèt pagat per la collectivitat per escriure dins de jornals locals d’articles favorables a Brigitte Barèges e desfavorables a l’oposicion. L’enquèsta, lo ministèri public de Montalban la dobriguèt en febrièr passat. An tanplan entendut Jean-Paul Fourment, l’emplegat del servici de comunicacion.
La consolessa recusa tota malversacion dins aquel dorsièr. Mas Fourment a dich, segon son avocat, qu’aguèt lo prètzfach pendent sièis meses de redigir d’articles en favor de Barèges dins una publicacion locala, Le Petit Journal.
Encara segon son avocat, Fourment, que trabalha dins son ostal, seriá estat remunerat per la comuna amb aperaquí 3000 èuros bruts per mes. Sos articles cercarián sustot de parlar contra lo jornal La Dépêche du Midi, jornal que dirigís Jean-Michel Baylet del Partit Radical d’Esquèrra (PRG), “amb qui Brigitte Barèges es en guèrra”, çò ditz Jean-Paul Fourment.
La polícia judiciària de Tolosa, qu’es en carga d’aquesta enquèsta preliminara, cèrca de saber s’un emplegat de la comunicacion de la municipalitat foguèt pagat per la collectivitat per escriure dins de jornals locals d’articles favorables a Brigitte Barèges e desfavorables a l’oposicion. L’enquèsta, lo ministèri public de Montalban la dobriguèt en febrièr passat. An tanplan entendut Jean-Paul Fourment, l’emplegat del servici de comunicacion.
La consolessa recusa tota malversacion dins aquel dorsièr. Mas Fourment a dich, segon son avocat, qu’aguèt lo prètzfach pendent sièis meses de redigir d’articles en favor de Barèges dins una publicacion locala, Le Petit Journal.
Encara segon son avocat, Fourment, que trabalha dins son ostal, seriá estat remunerat per la comuna amb aperaquí 3000 èuros bruts per mes. Sos articles cercarián sustot de parlar contra lo jornal La Dépêche du Midi, jornal que dirigís Jean-Michel Baylet del Partit Radical d’Esquèrra (PRG), “amb qui Brigitte Barèges es en guèrra”, çò ditz Jean-Paul Fourment.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas un elegit que vòlga que li fargue qualques articlòts dins lo jornal local per 3000 euros al mes?
Jornalet a la descobèrta del mondilhon tarn-e-garonés... qu'es quicom, vos asseguri. Un dels mai grand cumulaire de foncions dempuèi un mai de 35 ans e sa rivala consola e deputada dempuèi dos madats... que l'una paga per aver un articlot dins Le Petit Journal quand l'autre senhoreja dins La Dépêche du Midi cada jorn... paure monde.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari